ހިތްހަމަ ނުޖެހެނީތަ ނޫނީ ކަންބޮޑުވަނީތަ؟ ނިދިނުލިބުމަކީ ސަބަބަކަށް ވެދާނެ

ހިތްހަމަ ނުޖެހުން ނުވަތަ ކަންބޮޑުވޭ ހެއްޔެވެ؟ ފަހަރުގައި އެއީ ތިބާއަށް އެކަށީގެންވާ ވަރަށް ނިދި ނުލިބުން ކަމަށްވެދާނެއެވެ.

ނަފްސާނީ ދުޅަހެޔޮކަމަށް އަސރުކުރާ މިންވަރު ދެނެގަތުމަށް މިހާތަނަށް ކުރެވިފައިވާ ދިރާސާތަކުން ދައްކާގޮތުގައި އެކަށީގެންވާ ވަރަށް ނިދި ނުލިބުމަކީ ނުވަތަ ރަނގަޅަށް ނުނިދުމަކީ މޫޑް އަދި ނަފްސާނީ ދުޅަހެޔޮކަމަށް ވަރަށް ބޮޑަށް ނޭދެވޭ އަސަރު ކުރާ ކަމެއް ކަމަށް އެނަލައިޒްކޮށް ހެދި މިހާތަނަށް ހެދި ގިނަ ދިރާސާތަކުންވެސް ވަނީ ދައްކާފައެވެ.

”އަހަންނަށް ފެނުނު ގޮތުގައި ނިދި ގެއްލުމާއ،ި މުޅިން ނިދި ނުލިބުމާއި، ނުނިދާ ގިނަދުވަސް ވުމުގެ ސަބަބުން ނަފްސާނީ ގޮތުން އިންސާނާއަށް ބަދަލުތަކެއް އަންނަ ކަންމިއީ ޤަބޫލުކުރަންޖެހޭ ހަޤީޤަތެކެވެ. އަދި އެންމެ ވަރުގަދަ އެންމެ ހަމަޖެހިފައިވާ އަސަރަކީ ނިދި ގެއްލުމުން މީހާގެ ޕޮޒިޓިވް މޫޑު ގެއްލިފައިވުމެވެ،“ ބޯޒެމަންގެ މޮންޓާނާ ސްޓޭޓް ޔުނިވާސިޓީގެ ސްލީޕް އެންޑް ޑިވެލޮޕްމަންޓް ލެބްގެ އެސިސްޓެންޓް ޕްރޮފެސަރު އަދި ޑައިރެކްޓަރު ކާރާ ޕާމާ

މީގެއިތުރުން ނިދި ގެއްލުމުން ކަންބޮޑުވުމުގެ އިހުސާސްތައް އިތުރުވާކަން ފާހަގަކުރެވިފައިވާ ކަމަށްވެސް ޕްރޮފެސަރ ކާރާ ޕާމާ ބުނެފައިވާއިރު ”ނަފްސާނީ ހާދިސާތައް ތަޖުރިބާ ކުރާއިރު، ރަނގަޅަށް އަރާމުކުރާ މީހުންނަށް ވުރެ ރަގަޅަށް އަރާމު ނުކުރާ ނިދި ނުލިބޭ މީހުނަށް އަސަރުކުރާ މިންވަރު ތަފާތު ކަމަށް ރިޕޯޓް ތަކުން ވަނީ ދައްކާފައެވެ. އަދި ނިދި ނުލިބުމަކީ އޮބޭސިޓީ، ހިތުގެ ބަލިތަކާއި ޑިމެންޝިއާ ގެ އިތުރުން މޫޑް ސްވިންގްސް އަދި އިންސޮމްނިއާ ފަދަ ޑިސްއޯޑާގެ ނުރައްކާ ބޮޑުވާކަމެއްކަމަށްވެސް އެދިރާސަތަކުން ވަނީ ހާމަވެފައެވެ.

”ވަކިން ޚާއްސަކޮށް، އެ މީހުންގެ ފަރާތުން ނަފްސާނީ ގޮތުން އުފާވެރިކަން ކުޑަވާ ކަމަށް ރިޕޯޓް ކޮށްފައި ވޭ، އެއީ އަހަރެމެންގެ ހަށިގަނޑުގައި ބައެއް އިހުސާސްތަކުގެ ހަރުކަށިކަން އިހުސާސް ކުރެވޭ ހިސާބުން، ނިދި ގެއްލުމަށް ފަހު މުޅި މީހާއަށް އިމޯޝަނަލް ރެސްޕޮންސްތައް މާ ބޮޑަށް އިހުސާސް ކުރެވުން.“ ޕްރޮފެސަރު އަދި ޑައިރެކްޓަރު ކާރާ ޕާމާ

އެމެރިކާގެ ސެންޓާ ފޯ ޑިޒީޒް ކޮންޓްރޯލް އެންޑް ޕްރިވެންޝަނުން ބުނެފައިވާ ގޮތުގައި އުމުރުން 18 އަހަރުން މަތީގެ މީހަކަށް އެމީހާ ދުޅަހެޔޮ ޞިއްހަތެއްގައި ހުރުމަށް ރޭގަނޑު މަދުވެގެން ހަތް ގަޑިއިރުގެ އަރާމު ނިދި ބޭނުންވެއެވެ. އަދި އެވަރަށް ނިދި ނުލިބޭމީހުންގެ ޢުމުރު ކުރުވާކަމަށްވެސް ދިރާސާތަކުން ދައްކާފައިވާ ކަމަށް ސެންޓާ ފޯ ޑިޒީޒް ކޮންޓްރޯލް އެންޑް ޕްރިވެންޝަނުން ބުނެފައިވެއެވެ.