ރާއްޖޭގެ އެންމެ އަގުބޮޑު މޮޓޯސްޕޯޓް އިވެންޓް އައްޑޫ ހުޅުމީދޫގައި ފަށައިފި

އައްޑޫ މޮޓޯސްޕޯޓްސް އެސޯސިއޭޝަންގެ ފަރާތުން އިންތިޒާމުކޮށްގެން ބާއްވާ ރާއްޖޭގެ އެންމެ އަގުބޮޑު މޮޓޯސްޕޯޓް އިވެންޓް "އެންމެންގެ ޑްރެގް ރޭސް 2025" ފަށައިފިއެވެ.

މި އިވެންޓް ފެށީ މިއަދު ހެނދުނު އައްޑޫސިޓީ ހުޅުމީދޫގައެވެ.

ދެ ދުވަހުގެ މުއްދަތަކަށް ހުޅުދޫ މެދު ބަނދަރު މަގުގައި ކުރިއަށްދާ މި އިވެންޓުގައި މާލޭ ސިޓީ، ކުޅުދުއްފުށި ސިޓީ، ތިނަދޫ ސިޓީ އަދި ފުވައްމުލައް ސިޓީގެ އިތުރުން އައްޑޫ ސިޓީން ޓީމުތައް ބައިވެރިވެފައިވާއިރު، މިއަހަރުގެ މުބާރާތުގައި 13 ޓީމަކުން ޖުމްލަ 57 އެތްލީޓަކު އިންނަނީ ވާދަކުރަމުންނެވެ.

މީގެ އިތުރުން މި މުބާރާތުގައި ޖުމްލަ 17 ކެޓަގެރީއަކުން 130،000 ރުފިޔާއަށް ވުރެ ގިނަ ފައިސާގެ އިނާމް ދިނުމަށް ހަމަޖެހިފައިވާއިރު، މުބާރާތުގެ ހުރިހާ އިނާމެއް ސްޕޮންސަރ ކޮއްފައިވަނީ ސްޕެއާރ ހަބުންނެވެ.

މި އަހަރުގެ މުބާރާތުގެ މެއިން ސްޕޮންސަރ އަކީ ސްޕެއަރ ހަބް އެވެ. އަދި ކޯ ސްޕޮންސަރުންގެ ގޮތުގައި ލިއޯ ސްޓޯރ، ފްރެޝް ޔީލްޑް ޕްރައިވެޓް ލިމިޓެޑް، ޗެނަލް ޝޭކް، އަދި ޕެއިންޓަރ ޗޮއިސް ހަމަޖައްސާފައިވާއިރު، މުބާރާތުގެ ފުޑް އެން ބެވަރޭޖް ޕާޓްނަރު ސިޓީ ޑެކް އެވެ. އަދި މީގެ އިތުރުން ޕަބްލިކް ރިލޭޝަން ޕާޓްނަރއަކަށް ސިޑިބަރި ހަމަޖައްސާފައިވާއިރު، މުބާރާތުގެ އޮފިޝަލް މީޑިއާ ޕާޓަނަރަކީ ގާފު ސްޕޯޓްސް އެވެ.