logo

ދިރާސާގެ ނަތީޖާ: ކަނޑޫފާތައް މަރުވަނީ ލޮނުގެ އަސަރު މާބޮޑަށް ކުރާތީ

profile

ޒިދާން މުޙައްމަދު - 01 އޭޕްރީލު 2025 - 14:49

ރާއްޖޭގެ ކަނޑޫފާތައް މަރުވަމުންދަނީ ލޮނުގެ އަސަރު މާބޮޑަށް ކުރާތީ ކަމަށް އިންޑިއާގެ ކޮޗިން ޔުނިވަސިޓީ އޮފް ސައިންސް އެންޑް ޓެކްނޮލޮޖީ (ސީޔޫއެސްއޭޓީ) ގެ ސްކޫލް އޮފް މެރިން ބަޔޮލޮޖީން ހެދި ދިރާސާއިން ހޯދިއްޖެއެވެ.

https://wamco.com.mv/

އެ ޔުނިވާސިޓީގެ މެރިން ބަޔޮލޮޖީ، މައިކްރޯ ބަޔޮލޮޖީ އެންޑް ބަޔޯކެމިސްޓްރީ ޑިޕާޓްމަންޓްގެ ހެޑް ޑރ. ބިޖޯއީ ނަންދާން އިސްކޮށް ހުންނަވައި ހަތަރު މެމްބަރުންގެ ޓީމަކުން މައުލޫމާތާއި ސާމްޕަލް އެއްކޮށްގެން ހެދި މިދިރާސާގެ ނަތީޖާއިން ދައްކާ ގޮތުގައި، ރާއްޖޭގެ އެކި ސަރަހައްދުގައި، 2020 ވަނަ އަހަރުން ފެށިގެން ކަނޑޫފާތައް މަރުވާން ފެށީ ދުނިޔެ ހޫނުވެ، ގަނޑުފެން ފަރުބަދަތައް ވިރި ކަނޑުގެ ލޮނުގަނޑު އުފުލެމުންދާތީ ކުރިއަށްވުރެ ބޮޑަށް ލޮނުގެ އަސަރުކުރަމުންދާތީއެވެ.

ސީޔޫއެސްއޭޓީގެ ޓީމުން މި ދިރާސާކުރުމުގެ މަސައްކަތް ފެށީ 2021 ވަނަ އަހަރު ޑިސެމްބަރު މަހުއެވެ.

ރާއްޖޭގެ އެންވަޔަރަމެންޓް މިނިސްޓްރީ އާއި އެންވަރަމެންޓް ޕްރޮޓެކްޝަން އެޖެންސީ (އީޕީއޭ) ވެސް ގުޅިގެން ހެދި ދިރާސާއިން އެނގިފައިވަނީ ވާރޭ ނުވެހި ގިނަ ދުވަސްވުމާއި ކަނޑުގެ ލޮނުގަނޑު އުފުލުމަށް މެދުވެރިވާ ހާލަތާއި އިންޑިއާ ކަނޑުގެ މޫސުމަށް އަންނަ ކުއްލި ބަދަލުތަކާ ހުރެ ކަނޑޫފާތަކުގެ ފެނުގައި ލޮނުގެ އަސަރު ގަދަވެފައިވާ ކަމަށެވެ. އަދި ރާއްޖޭގެ ރަށްރަށަށް ކަނޑުގެ ލޮނުގަނޑު އުފުލުމުގެ އަސަރުކުރާ މިންވަރު ބޮޑުވެ އައްސޭރިފަށުގެ އީކޯ ސިސްޓަމަށް ލޮނުގެ އަސަރު ކުރާ މިންވަރު ބޮޑުވެ ކުޅިތަކަށް ލޮނު ވަނުން އިތުރުވަމުންދާ ދާތީ ކަނޑޫފާތަކުގެ ހާލަތު އިތުރަށް ގޯސްވާ ކަމަށް ވަނީ ބުނެފައެވެ.

ކަނޑޫފާތައް މަރުވުމުގެ މައްސަލަ 2020 އަދި 2021 ގައި ކުރިމަތިވި އިރު 22.12 ހެކްޓަރުގެ ކަނޑޫފަލަށް އަސަރުކުރި ކަމަށާއި 44،267 ކަނޑޫގަސް މަރުވި ކަމަށް ދިރާސާއިން ދައްކައެވެ.

ދިރާސާގެ ބޭނުމަށް ކެލާ، ކުޅުދުއްފުށި، ކޭލަކުނު، ވައިކަރަދޫ، ނޭކުރެންދޫ، ގޮއިދޫ، ފޭދޫ އަދި ކެނދިކުޅުދޫގެ ކަނޑޫފާތަކުގެ ގަސްތަކާއި ސޫފިތަކާއި އަދި ސެޑިމެންޓް ސާމްޕަލްތައް ނެގިއެވެ.

https://wamco.com.mv/
https://eportal.mwsc.com.mv/e-pay