logo

ރާއްޖެއަށް އެކްސްޕޯޓްކުރާ ޒަރޫރީ ތަކެތީގެ ކޯޓާ އިތުރުކޮށްދިނުމުން އިންޑިއާއަށް ޝުކުރުއަދާކޮށްފި

profile

އައިޝަތު އިނާޝާ - 03 އޭޕްރީލު 2025 - 17:59

އިންޑިއާއިން ރާއްޖެއަށް އެކްސްޕޯޓްކުރާ ޒަރޫރީ އެކި ބާވަތްތަކުގެ ތަކެއްޗަށް މިހާރު ކަނޑައަޅާފައިވާ ކޯޓާ އިތުރުކޮށްދިނުމުން ދިވެހި ސަރުކާރުން އިންޑިއާ ސަރުކާރަށް ޝުކުރު އަދާކޮށްފިއެވެ.

https://wamco.com.mv/

އިންޑިއާ ސަރުކާރަށް ޝުކުރުއަދާކޮށް ފޮރިން މިނިސްޓްރީން އެކްސްގައި ކުރި ޕޯސްޓެއްގައި ބުނީ މިއީ ދެ ޤައުމުގެ ދެމެދުގައި އޮތް ގާތް ގުޅުމުގެ ހެއްކެއް ކަމަށެވެ.

އިންޑިއާ ސަރުކާރުން ދިވެހިރާއްޖެއަށް ދޫކޮށްފައިވާ ކޯޓާ އިތުރުކޮށްދެއްވި ކަމަށް ޓަކައި އިންޑިއާ ސަރުކާރަށް ޝުކުރު ދަންނަވަން: ފޮރިން މިނިސްޓްރީ

އިންޑިއާގެ ކޮމާސް އެންޑް އިންޑަސްޓްރީ އާ ހަވާލާދީ ރާއްޖޭގައި ހުންނަ އިންޑިއާގެ ހައިކޮމިޝަނުން ބުނީ އުމްރާނީ ތަރައްޤީގެ އެކި މަސައްކަތްތަކުގައި އެންމެ ގިނައިން ބޭނުންކުރާ ހިލަވެލީގެ ބާވަތްތަކަށް ކަނޑައަޅާފައިވާ ކޯޓާ 1،300،000 މެޓްރިކް ޓަނަށް ވަނީ އިތުުރުކޮށްފައިވާ ކަމަށެވެ . މިއީ ކުރިއާ އަޅާބަލާއިރު 30 އިންސައްތައިގެ އިތުރުވުމެއް ކަމަށާއި މިކަމުން ރާއްޖޭގެ ކޮންސްޓްރަކްޝަން އިންޑަސްޓްރީގެ މަސައްކަތްތަކަށް ކުރިއެރުން ލިބޭނެ ކަމަށް ދެކޭ ކަމަށް ވެސް ހައިކޮމިޝަނުން ފާހަގަކޮށްފައިވެ އެވެ.

ކޯޓާއަށް ގެނައި ބަދަލަށް ބަލާއިރު، ފިޔާ، ބިސް، އަލުވި، ހަކުރު، ހަނޑޫ އަދި ފުށުގެ ކޯޓާ ވަނީ %5 އިތުރުކޮށްފައެވެ. އަދި މުގުން ދެމުން ދިޔަ ކޯޓާ ވަނީ %56 އިތުރުކޮށްފައެވެ. މުގަށް ކަނޑައަޅާފައިވާ ކޯޓާ 56 އިންސައްތައިން އިތުރުކޮށްފައިވާކަން ފާހަގަކުރެއެވެ.

ހައިކޮމިޝަނުން ބުނީ މިއީ 1981 ވަނަ އަހަރުން ފެށިގެން ޢަމަލުކުރެވެމުން އަންނަ އެއްބަސްވުމުގެ ދަށުން ކޯޓާގެ ޢަދަދު އެންމެ ބޮޑަށް އިތުރުކުރެވުނު ފަހަރު ކަމަށެވެ.

https://wamco.com.mv/
https://eportal.mwsc.com.mv/e-pay