ހެނބަދޫގައި ކުޑަކުދިންގެ ޕާކެއް ހުޅުވައިފި
މުޙައްމަދު ފަޟްލޫން - 09 އޯގަސްޓު 2026 - 11:11
ނ ހެނބަދޫގައި މިސަރުކާރުން ތަރައްގީ ކުރި ކުޑަކުދިންގެ ޕާކް ހުޅުވައިފިއެވެ.
މި ޕާކް ތަރައްގީ ކޮށްފައިވަނީ ފެނަކަ އާއި ހަވާލްކޮށްގެންނެވެ.
ހެނބަދޫގައި ތަރައްގީ ކުރި ކުޑަކުދިންގެ ޕާކް ހުޅުވައިދެއްވީ މިނިސްޓްރީ އޮފް އިންފްރާސްޓްރަކްޗަރ، ހައުސިންގ އެންޑް އަރބަން ޑިވެލޮޕްމަންޓްގެ ސްޓޭޓް މިނިސްޓަރު އަޙްމަދު ސާލިމް އާއި ފެނަކަ ކޯޕަރޭޝަން ލިމިޓެޑްގެ މެނޭޖިންގ ޑިރެކްޓަރު މުހައްމަދު އަފީފް ހުސައިންއެވެ.
ކުޑަކުދިންގެ ޕާކް ތަރައްގީ ކުރުމުގެ މަޝްރޫއުގެ ދަށުން 46 ރަށެއްގައި ޕާކް ތަރައްގީ ކުރަން ސަރުކާރުން ވަނީ 5 ކުންފުންޏަކާއި ހަވާލްކޮށްފައެވެ.
ކުޑަކުދިންގެ ޕާކް ރާއްޖޭގެ އެކި ރަށްރަށުގައި ތަރައްގީކުރަން ހަވާލްކުރި ކުންފުނިތަކުގެ ތެރޭގައި ފެނަކަ އާއި އެމްޓީސީސީ އާއި އާރުޑީސީ އާއި އެޗްޑީސީގެ އިތުރުން އެސްޓީއޯ ހިމެނެއެވެ،
ޕާކުތައް ތަރައްގީ ކުރުމުގެ މަސައްކަތް ކުރިއަށް ގެންދަނީ ދެ ބެޗަކަށް ބަހާލައިގެންނެވެ.
ފުރަތަމަ ބެޗްގައި 14 ރަށް އަދި ދެވަނަ ބެޗްގައި 32 ރަށް ހިމެނެއެވެ.
ގުޅުން ހުރި ޙަބަރުތައް
