އެމްއެސްޕީއޭ އިން ޕްރޮޑިއުސަރުންނާއި، ޑައިރެކްޓަރުންނާއި ބައްދަލުކުރަނީ

މޯލްޑިވްސް ސޮސައިޓީ ފޯރ ޕާރފޯމިންގްސް އާޓްސް (އެމްއެސްޕިއޭ) އިން ރާއްޖޭގެ ފިލްމް ޕްރޮޑިއުސަރުންނާއި ޑައިރެކްޓަރުންނާއި ބައްދަލުކުރުމަށް ފުރުސަތު ހުޅުވާލައިފި އެވެ.

އެމްއެސްޕީއޭ އަކީ 2011 ވަނަ އަހަރުން ފެށިގެން ރާއްޖޭގެ މުނިފޫނިފިލުވުމުގެ ދާއިރާ ތަރައްގީކުރުމަށް ހިލޭ ސާބަހަށް މަސައްކަތް ކުރަމުންދާ ސޮސައިޓީއެކެވެ.

މި ސޮސައިޓީން ކުރަމުންގެންދާ ބައެއް މުހިންމު މަސައްކަތްތަކަކީ މި ދާއިރާއަށް މީހުން ބިނާކުރުމާއި، ރާއްޖެއާއި ރާއްޖެއިން ބޭރުގެ އެކިއްެކި ފެސްޓިވަލްތަކުގައި ދިވެހިންގެ އުފެއްދުންތައް ބައިވެރި ކުރުމާއި، ރާއްޖެއިންނާއި، ރާއްޖެއިން ބޭރުން ދިވެހި ފަންނާނުންނަށް ރިކޮގޮނިޝަން ހޯދައި ދިނުމާއި، އެވޯޑު ހަފްލާތައް ބޭއްވުމުގެ އިތުރުން މީހުން ހޭލުންތެރިކުރުމެވެ.

އެމްއެސްޕީއޭ އިން ކުރި އިއުލާނެއްގައި ބުނެފައި ވަނީ އެ ސޮސައިޓީން ކުރަމުންގެންދާ މަސައްކަތް މިހާރަށްވުރެ ހަރުދަނާކޮށް ގރަނގަޅު ކުރުމަށްޓަކައި ރާއްޖޭގެ ފިލްމް ޕްރޮޑިއުސަރުންނާއި، ޑައިރެކްޓަރުންނާއި، ބައްދަލުކުރުމަށް ފުރުސަތު ހުޅުވާލާފައިވާ ކަމަށެވެ.

މި ބައްދަލުވުން އޮންނާނީ 17 2026 ވާ އާދީއްތަ ދުވަހުގެ ރޭ 20:45 ގައި އިންޑިއަން ކަލްޗާރ ސެންޓަރ ( އައިސީސީ / ހ.އަސްރަފީވިލާ / މަޖީދީމަގު މާލެ ) ގައި ކަމަށެވެ.