ރާއްޖެ ވަޑައިގަތުމަށް ރަސްގެފާނު ޗާލްސްއަށް ދައުވަތު ދެއްވައިފި

އިނގިރޭސިވިލާތުގެ ރަސްގެފާނު ޗާލްސް ތިނެއް ރާއްޖެ ވަޑައިގަތުމަށް ދިވެހިރާއްޖޭގެ ނައިބު ރައީސް އަލްއުސްތާޛު ޙުސައިން މުޙައްމަދު ލަޠީފު ދައުވަތު ދެއްވައިފިއެވެ.

ނައިބު ރައީސް ރަސްގެފާނަށް ދައުވަތު ދެއްވީ، ،މިއަހަރުގެ ކޮމަންވެލްތު ހެޑްސް އޮފް ގަވާމަންޓް މީޓިން، ޗޮގަމްގައި ބައިވެރިވެވަޑައިގަތުމަށް ސަމޯއާއަށް ކުރެއްވި ދަތުރުފުޅުގެ ރަސްމީ ޖަލްސާގެ ތެރެއިންނެވެ.

މިކަމާ ގުޅިގެން ނައިބު ރައީސް "އެކްސް" ގައި ހިއްސާކުރެއްވި ޕޯސްޓެއްގައި ވިދާޅުވީ ރަސްގެފާނު ޗާލްސްއާ ބައްދަލުވުމަކީ ލިބިވަޑައިގަތް ޝަރަފެއް ކަމަށެވެ.

އެމަނިކުފާނު ވަނީ ރައީސް ޑރ މުހައްމަދު މުއިއްޒުގެ ފަރާތްޕުޅުން ރަސްގެފާނު ޗާލްސްއަށް ރާއްޖެ ވަޑައިގަތުމުގެ ދައުވަތު އަރުއްވާފައެވެ.

ކޮމަންވެލްތު ޤައުމުތަކުގެ އިސްވެރިންގެ ބައްދަލުވުމުގައި ބައިވެރިވުމަށް ސަމާއޯއަށް ކުރެއްވި ދަތުރުފުޅު ނިންމަވާލެއްވުމަށްފަހު ނައިބު ރައީސް މިއަދު ވަނީ ރާއްޖެ ވަޑައިގެންފައެވެ.

މި ދަތުރުފުޅުގައި ނައިބުރައީސްގެ އަރިހުގައި ސަރުކާރުގެ ބައެއް އިސްވެރިން ބައިވެރިވެވަޑައިގެންނެވިއެވެ.