މޯލްޑިވް ގޭހުން އެލްޕީޖީ 45 ކިލޯގެ ސިލިންޑަރުތަކުގެ އަގު ހެޔޮކޮށްފި

މޯލްޑިވް ގޭސް ޕްރައިވެޓް ލިމިޓެޑުން އެލް.ޕީ.ޖީ 45 ކިލޯގެ ސިލިންޑަރުތައް ރީފިލް ކުރުމަށް އަގު ހެޔޮކޮށްފިއެވެ.

މޯލްޑިވް ގޭހުން ބުނިގޮތުގައި މިގެނައި ބަދަލާއެކު ގޭސް ފުޅިއެއް ދެން ލިބޭނީ 1،170 ރުފިޔާއަށެވެ.

މިކަމުގެ ސަބަބުން ކަސްޓަމަރުންނަށް ވަރަށް ބޮޑު ޚަރަދެއް ސަލާމަތްކޮށްދެވޭނެ ކަމަށާއި ގޭހުގެ އަގަށް މިގެނައި ބަދަލަކީ ވީހާވެސް އަގުހެޔޮކޮށް ރައްޔިތުންނަށް ހިދުމަތް ފޯރުކޮށްދިނުން ކަމަށް އެކުންފުނިން ވަނީ ބުނެފައެވެ.

އަދި މޯލްޑިވް ގޭހުން އަބަދުވެސް މަސައްކަތް ކުރަމުން ދަނީ ސަލާމަތާއި ފެންވަރުގެ އެންމެ މަތީ މިންގަނޑުތައް ދަމަހައްޓައި، މެދުކެނޑުމެއް ނެތި ގޭސް ސަޕްލައި ކޮށްދިނުމަށް ކަމަށް ވެސް އެކުންފުނިން ވަނީ ބުނެފައެވެ.

މޯލްޑިވް ގޭސް އުފެދުނީ 1999 ވަނަ އަހަރުގެ އޮކްޓޫބަރުމަހުގެ 3 ވަނަ ދުވަހުއެވެ.

އެންމެ ފުރަތަމަ އެ ކުންފުނިން ދޭން ފެށީ ކައްކާ ގޭހުގެ ޚިދުމަތެވެ. ނަމަވެސް އޭގެ ފަހުން 25 އަހަރު ވޭތުވެ، ކުންފުނީގެ ޚިދުމަތްތައް ވަނީ ވަރަށް ބޮޑަށް ފުޅާކޮށްފައެވެ.