ސިފައިންގެ 72 ވަނަ އަސާސީ ތަމްރީނު ކޯސް އިފްތިތާޙްކޮށްފި

މޯލްޑިވްސް ނޭޝެނަލް ޑިފެންސް ފޯސް އެމްއެންޑީއެފް އާއި އަލަށް ބައިވެރިވާ ދިވެހި ސިފައިންގެ 72 ވަނަ އަސާސީ ތަމްރީން ކޯސް އިފްތިތާހު ކޮށްފި އެވެ

މިއީ ރައީސުލްޖުމްހޫރިއްޔާގެ ވަޢުދުފުޅާ އެއްގޮތަށް ނޭޝަނަލް ސާރވިސްގެ ފުރަތަމަ ބުރުން ދަސްވެނިވެ ސިފައިންގެއަށް ވަނުމަށް ޝައުޤުވެރިކަން ފާޅުކުރި ކުދިން ހިމަނާފައިވާނެ ކަމަށެވެ.

އެމްއެންޑީއެފް ސަދަން އޭރިއާ ކޮމާންޑުގައި މިއަދު ބޭއްވި ހާއްސަ ރަސްމިއްޔާތު ޝަރަފުވެރި ކޮށްދެއްވީ، ކޮލެޖް އޮފް ޑިފެންސް އެންޑް ސެކިއުރިޓީ ސްޓަޑީޒްގެ ކޮމާންޑިންގ އޮފިސަރ، ބްރިގޭޑިއަރ ޖެނެރަލް ޢަބްދުﷲ އިބްރާހީމްއެވެ.

މި ރަސްމިއްޔާތުގައި ބްރިގޭޑިއަރ ޖެނެރަލް ޢަބްދުﷲ އިބްރާހީމް ދެއްކެވި ވާހަކަފުޅުގައި އަޚުލާޤު ރަނގަޅު ސިފަވަންތަ ބަޔަކަށް ވުމަށާއި، ކޯސް ކާމިޔާބުކަމާއެކު ނިންމުމަށް ހިތްވަރާއެކު މަސައްކަތް ކުރުމަށް ދަރިވަރުންނަށް ބާރުއެޅުއްވިއެވެ. ހަމައެއާއެކު، ތަމްރީނުތައް ކުރިއަށްގެންދާއިރު ދަރިވަރުންގެ ރައްކާތެރިކަމަށް ޚާއްޞަ ސަމާލުކަމެއް ދިނުމަށް މުދައްރިބުންގެ ކިބައިން އެދިވަޑައިގެންނެވިއެވެ.

މިފަހަރުގެ ކޯހުގައި ޖުމްލަ 146 ދަރިވަރުން ބައިވެރިވިއިރު، އޭގެ ތެރޭގައި 22 އަންހެން ސިފައިން ހިމެނެއެވެ.

ސިފައިންގެ އަސާސީ ތަމްރީނު ކޯހަކީ، ސިފައިންގެއަށް ޝަރުތު ހަމަވާ ކުޅަދާނަ ޤައުމު ދެކެ ލޯބިވާ މީހަކު އުފެއްދުމަށް ސިފައިންގެއަށް އަލަށް ވަންނަ ކޮންމެ ކުއްޖަކު ފުރިހަމަ ކުރުން މަޖުބޫރު ކޯހެކެވެ.