އީރާނުގެ މަނަވަރެއް އިންޑިޔާ ކަނޑުގެ ސަރަހައްދެއްގައި

އީރާނުގެ އަސްކަރީ މަނަވަރެއް އިންޑިޔާގެ ކަނޑުގެ ސަރަހައްދެއްގައި ވަނިކޮށް އިންޑިޔާއިން އެހީތެރިކަން ފޯރުކޮށްދީފައިވާ ކަމަށް އެގައުމުން ހާމަކޮށްފި އެވެ

އީރާނުގެ މަނަވަރުތަކަށް އެމެރިކާ އާޢި އިސްރާއީލް ގުޅިގެން ދަނީ ހަމަލާތައްވެސް ދެމުންނެވެ.

މެދު އިރުމަތީގެ ހަނގުރާމަ ފެށި ފަހުން އީރާނުގެ މަނަވަރެއް ރާއްޖެ އާއި އެންމެ ކައިރީގައި އޮންނަ ސްރީލަންކާގެ ކަނޑުގެ ސަރަހައްދަކުން ފެނިގެންވެސް އެމެރިކާއިން ވަނީ އެ މަނަވަރަށް ހަމަލާދީ ފަށްތާލާފަ އެވެ.

މި ހާދިސާގައި ސްރީލަންކާގެ ކަނޑުގެ ސިފައިން ވަނީ އެ މަނަވަރުގައި ތިބި ފަޅުވެރިންނަށް އެހީތެރިކަން ފޯރުކޮށްދީ އެގައުމަށް ގެންގޮސްފަ އެވެ.

އިންޑިޔާ އަކީ އެމެރިކާ އާއި ވަރަށް ގާތް ގުޅުމެއް ބާއްވަމުން އަންނަ ގައުމަކަށް ވާއިރު އީރާނުގެ މަނަވަރެއް އިންޑިޔާގެ ކަނޑުގެ ސަރަހައްދަކުން ފެނުމުން އިންޑިޔާ ސިފައިން ވެސް ވަނީ އޭގައި ތިބި ފަޅުވެރިންނަށްވެސް އެހީތެރިކަން ފޯރުކޮށްދީފަ އެވެ.

މި މަނަވަރު އިންޑިއާގައި ބަނދަރުކުރުމުގެ ފުރުޞަތު ވެސް ދިން ކަމަށް އިންޑިއާގެ ޚާރިޖީ ވަޒީރު ސުބްރަމަނިޔަމް ޖަޔަޝަންކަރު ވަނީ ވިދާޅުވެފަ އެވެ.

ފެބްރުއަރީ މަހުގެ 28ވަނަ ދުވަހުން ފެށިގެން އެމެރިކާއިން އީރާނަށް ދެމުންދާ ޙަމަލާތަކުގެ ބައެއްގެ ގޮތުގައި ދީފައިވާ އެ ޙަމަލާގައި 87 މީހުން ވަނީ ޝަހީދުވެފައެވެ.

ޖަޔަޝަންކަރު ވިދާޅުވީ އީރާނުގެ އަސްކަރީ މަނަވަރަކަށް ކޯޗީ ބަނދަރަށް ވަނުމަށް ހުއްދަ ދިނީ، އިންސާނިއްޔަތަށްޓަކައި ކަމަށެވެ.

އެ މަނަވަރުގައި ތިބި 183 ފަޅުވެރިން މިހާރު ތިބީ، ކޯޗީގައި ހުންނަ އިންޑިއާގެ ކަނޑުގެ ސިފައިންގެ މަރުކަޒެއްގައި ކަމަށް އިންޑިއާ ސަރުކާރުން މަޢުލޫމާތު ދީފައިވެއެވެ.