ނައިބު ރައީސް ތިނަދޫ ސިޓީގައި ދޮރުން ދޮރަށް ހިންގަވައިފި

ޕީއެންސީން ކުރިއަށް ގެންދިޔަ ދޮރުން ދޮރަށް ހަރަކާތުގައި ރައީސުލްޖުމްހޫރިއްޔާގެ ނައިބު އަލްއުސްތާޛް ޙުސައިން މުހައްމަދު ލަތީފް ބައިވެރިވަޑައިގެން ، ތިނަދޫގެ އެކި ގެތަކަށް ޒިޔާރަތް ކުރައްވައިފިއެވެ.

މިހަރަކާތަކީ އަންނަމަހު 4ގައި ބާއްވަން ހަމަޖެހިފައިވާ އިންތިހާބުތަކުގެ ކެމްޕޭނަށް ޕީއެންސީގެ ފަރާތުން ހިންގި ހަރަކާތެކެވެ.

ނައިބު ރައީސްގެ އިތުރުން ތިނަދޫއަށް ނިސްބަތްވާ ކޮންގްރެސް ޕާޓީގެ ރައްޔިތުންގެ މަޖިލީހުގެ މެމްބަރުންނާއި ، އެޕާޓީއިން ތިނަދޫ ސިޓީގައި މޭޔަރުކަމަށާއި ކައުންސިލުން މެންބަރު ކަމަށާއި އަންހެނުންގެ ތަރައްޤީއަށް މަސައްކަތްކުރާ ކޮމެޓީގެ މެންބަރު ކަމަށް ވާދަކުރައްވާ ކެންޑިޑޭޓުންވެސް މިހަރަކާތުގައި ބައިވެރިވެ ވަޑައިގެންނެވިއެވެ.

ނައިބު ރައީސްވަނީ ރައްޔިތުންނާއި ބައްދަލުކުރައްވައި އިންތިހާބާއި ގުޅޭގޮތުން މަޝްވަރާ ކުރައްވައިފައެވެ .

އަންނަމަހު ބާއްވަން ހަމަޖެހިފައިވަނީ ލޯކަލް ކައުންސިލް އިންތިހާބާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިޚާބުގެ އިތުރުން ރައްޔިތުންގެ ޚިޔާލު ހޯދުމުގެ ޢާންމު ވޯޓެވެ.