ފަޅުރަށަކަށް ދަތުރުގޮސް އުޅެނިކޮށް ހާލުދެރަވި މީހަކު ނިޔާވެއްޖެ

ފަޅުރަށަކަށް ދަތުރުގޮސް އުޅެނިކޮށް ހާލުދެރަވި މީހަކު ނިޔާވެއްޖެއެވެ.

ގއ ކޮލަމާފުށި ކައިރި އޮންނަ ފަޅުރަށެއް ކަމަށްވާ ކަޅެހުއްޓާ އަށް ގޮސް އުޅެނިކޮށް ހާލު ދެރަވެގެން އޮކްޓޯބަރު 6 ވަނަ ދުވަހުގެ 14:30 ހާއިރު ގއ އަތޮޅު ހޮސްޕިޓަލަށް ގެންދިޔަ މީހަކު ނިޔާވެފައިވާ ކަމުގެ މައުލޫމާތު އެ ހޮސްޕިޓަލުން ފުލުހުންނަށް ރިޕޯޓްކޮށްފައިވާ ކަމަށް ފުލުހުން ވަނީ ބުނެފައެވެ.

ހޮސްޕިޓަލަށް ގެންދިޔައިރުވެސް އެ މިހާ ވަނީ ނިޔާވެފައެވެ.

ނިޔާވެފައިވަނީ ގއ ކޮލަމާފުށި އުދަރެސް އުމުރުން 45 އަހަރުގެ އަހްމަދު މިސްހާގު ކަމަށް ފުލުހުން ވަނީ ބުނެފައެވެ.

މި ހާދިސާ ފުލުހުން ގެންދަނީ ތަހުގީގު ކުރަމުންނެވެ.