ވޭސްޓް މެނޭޖްމަންޓް ކޯޕަރޭޝަން ލިމިޓެޑް (ވެމްކޯ) އިން އިލެކްޓްރޯނިކް ކުނި ހިލޭ އުކާލުމުގެ ފުރުސަތު ހުޅުވާލައިފިއެވެ.
އެ ކުންފުނިން މިފުރުސަތު ހުޅުވާލާފައި މިވަނީ ދުނިޔޭގެ އީ-ވޭސްޓް ނުވަތަ އިލެކްޓްރޯނިކް ކުނީގެ ދުވަހާ ގުޅިގެންނެވެ.
ވެމްކޯއިން ބުނީ މިއަދު ވެމްކޯގެ ޓްރާންސްފާ ސްޓޭޝަންތަކުން ހިލޭ އީ-ވޭސްޓް ޑްރޮޕް އޮފް ކުރުމުގެ ފުރުސަތު ހުޅުވާލާފައިވާ ކަމަށެވެ. އެ ފުރުސަތު އޮންނާނީ މިރޭ 10 ޖަހަންދެން ކަމަށް ވެމްކޯއިން ބުނެފައި ވެއެވެ.
ވެމްކޯއިން ހިލޭ އީ ވޭސްޓް އުކައިދެނީ، މާލެ ހުޅުމާލެ އަދި ވިލިމާލެއިންނެވެ.
އީ-ވޭސްޓް ދުވަސް ފާހަގަކުރަނީ ކޮންމެ އަހަރެއްގެވެސް އޮކްޓޫބަރު 14 ގައެވެ.
