ސިޔާސީ ދާއިރާގެ އިތުރުން އިޖުތިމާޢީ ދާއިރާގައި ވެސް ފަސްޓު ލޭޑީގެ ފަހަތްޕުޅުގައި ތިއްބަވަން ވަޒީރު އިލްތިމާސް ކުރައްވައިފި

ސިޔާސީ ދާއިރާގެ އިތުރުން އިޖުތިމާޢީ ދާއިރާގައި ވެސް ފަސްޓު ލޭޑީ މެޑަމް ސާޖިދާ މުހައްމަދުގެ ގެ ފަހަތްޕުޅުގައި ތިއްބަވަން ވަޒީރު އާދަމް ޝަރީފު އުމަރު އިލްތިމާސް ކުރައްވައިފިއެވެ.

ޕީއެންސީ އިން ރޭ ބޭއްވި ކެމްޕޭނު ބައްދަލުވުމެއްގައި ވާހަކަފުޅު ދައްކަވަމުން މިނިސްޓަރ ވިދާޅުވީ ރައްޔިތުންނާއެކު ބާއްވާ ބައްދަލުވުންތަކުގައި ފަސްޓް ލޭޑީ ބައިވެރިވެވަޑައިގަތުމަކީ ޕީއެންސީއަށް ލިބިގެންދާ ވަރަށް ބޮޑު ހިތްވަރެއް ކަމަށެވެ.

ސިޔާސީ ދާއިރާގައި އަންހެނުން ބާރުވެރިކުރުވުމަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ މުހިންމު ތަޞައްވުރަކަށްވާއިރު، އެ ތަޞައްވުރު ޙާޞިލްކުރެއްވުމަށް ފަސްޓު ލޭޑީ ކުރައްވާ މަސައްކަތްޕުޅަށް މިނިސްޓަރ ތަޢުރީފު ކުރެއްވިއެވެ.

މި ބައްދަލުވުމުގައި ބައިވެރިވެވަޑައިގެންނެވި ކަނބަލުންނަށް މިނިސްޓަރ އިލްތިމާސްކުރެއްވީ ފަސްޓް ލޭޑީ ނަމޫނާއަކަށް ބެއްލުވުމަށެވެ.

ސިޔާސީ ދާއިރާގެ އިތުރުން އިޖުތިމާޢީ ދާއިރާގައި ވެސް ފަސްޓު ލޭޑީގެ ފަހަތްޕުޅުގައި ތިއްބަވަން ވެސް މިނިސްޓަރުގެ ވާހަކަފުޅުގައި އިލްތިމާސްކުރެއްވިއެވެ.

ސިޔާސީ މައިދާނުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ އަނބިކަބަލުން ސާޖިދާ މުޙައްމަދު، ކަނބަލުންނަށް ނަމުނާ ދައްކަވަމުން ގެންދަވާ ކަމަށް ވަޒީރު ވަނީ ވިދާޅުވެފައެވެ.

ސިޔާސީ އަދި އިޖުތިމާޢީ ހުރިހާ ދާއިރާއަކުންވެސް ފަސްޓް ލޭޑީއަށް ފުރިހަމަ އެއްބާރުލުން ދެއްވައި، އެކަމަނާއާއެކު ސާބިތުވެ ތިއްބެވުމަށް ވަޒީރު ވަނީ އިލްތިމާސް ކުރައްވާފައެވެ.