logo
އެމްއެންޕީގެ ރައީސް މުޙައްމަދު ނާޒިމް

އެމްއެންޕީގެ ރައީސް މުޙައްމަދު ނާޒިމް

މިސްކިތްތައް މަރާމާތު ކުރަން ފައިސާ ނެތުމަކީ ލަދެއް - ނާޒިމް

profile

އަހުމަދު ޒަލީފު - 07 ޖެނުއަރީ 2023 - 18:05

މުސްލިމު ދައުލަތެއްގައި، މިސްކިތްތައް މަރާމާތު ކުރަން ފައިސާ ނެތުމަކީ ބޮޑުވެގެންވާ ލަދެއްް ކަމަށް މޯލްޑިވްސް ނޭޝަނަލް ޕާޓީގެ ރައީސް މުޙައްމަދު ނާޒިމް ވިދާޅުވެއްޖެ އެވެ.

https://wamco.com.mv/

މީގެ އިތުރުން ނާޒިމް ވިދާޅުވީ، ފައިސާ އިސްރާފުނުކޮށް ބޭނުންތެރި ކަންކަމަށް ފައިސާ ހަރަދު ކުރަން ޖެހޭ ކަމަށާއި، ސިޓީ ކައުންސިލުން މިސްކިތްތައް ބަލަހައްޓަން ކަމަށް ބުނެ ފައިސާ ހޯދުމަކީ ބަލައިގަނެވޭނެ ކަމެއް ނޫން ކަމަށެވެ.

މާލެ ސިޓީގެ މިސްކިތްތަކުގެ އާބާތުރަ ފިލުވުމަށް ސަރުކާރުން އަހަރެއްގެ މައްޗަށް ދެނީ އެންމެ އެއް މިލިއަން ރުފިޔާ ކަމަށާއި މިސްކިތްތަކުގެ އާބާތުރަ ފިލުވުމުގެ މަސައްކަތަށް މިހާރު ވެސް ނުވަ މިލިއަނެއްހާ ރުފިޔާ ބޭނުންވާ ކަމަށް މާލެ ސިޓީގެ މޭޔަރު ޑރ. މުހައްމަދު މުއިއްޒު ވަނީ ވިދާޅުވެފައެވެ.

މާލޭ ސިޓީ ގެ މިސްކިތްތަކުގެ އާބާތުރަ ފިލުވުމުގެ މަސައްކަތަށް ބޭނުންވާ ފައިސާ ސަރުކާރުން ފޯރުކޮށް ނުދިނުމުގެ ސަބަބުން އެކަމަށް ބޭނުންވާ ފައިސާ ހޯދުމަށްޓަކައި މާލެ ސިޓީ ކައުންސިލުން އިންތިޒާމްކޮށްގެން ކުރިއަށް ގެންދާ ” ޗާލު މިސްކިތް ”، ހަރަކާތް ފައްޓަވާ ދެއްވަމުން މޭޔަރު ވިދާޅުވީ މާލޭގެ މިސްކިތްތައް މަރާމާތު ކުރަން ސަރުކާރުން ދޭ އެއް މިލިއަން ރުފިޔާއަކީ މިސްކިތްތައް މަރާމާތު ކުރަން އެކަށޭނެ އަދަދެއް ނޫން ކަމަށެވެ. އެހެންކަމުން ، ދެ ދުވަހުގެ މުއްދަތަކަށް މި ހަރަކާތް ކުރިއަށްގެގޮސް ފައިސާގެ އެހީ ހޯދުމަށް ކައުންސިލަށް މަޖުބޫރު ވީކަމުގައެވެ.

“މާލެ ސިޓީގެ ސްޓްރެޓެޖިކް އެކްޝަން ޕްލޭންގައި އެންމެ އިސްކަމެއް ދޭ ކަމެއްގެ ގޮތުގައި އޮތީ މާލޭގެ މިސްކިތްތައް ޒީނަތްތެރިކުރުން. އަޅުގަނޑުމެންގެ ފަލްސަފާއެއް ގޮތުގައި ޕްލޭންގައި ފާސްކޮށްފައި އޮންނާނީ މާލޭގެ އެންމެ ރީތި ބިނާތައް ކަމުގައި ވާންޖެހޭނީ މިސްކިތްތައް ކަމަށް.” މޭޔަރުގެ ވާހަކަފުޅުގައި ވިދާޅުވިއެވެ.

ކުރިއަށް އޮތް ރޯދަ މަހާ ދިމާކޮށް މާލެ ސިޓީ ކައުންސިލްގެ ބެލުމުގެ ދަށުގައި ހުރި މިސްކިތްތަކުގެ އާބާތުރަ ފިލުވުމުގެ މަގްސަދުގައި ފެށި "ޗާލު މިސްކިތް" ފަންޑްރައިޒިން އިވެންޓުގެ ފުރަތަމަ ދުވަހު ވެސް ތިން ލައްކަ އަށް ވުރެ ގިނަ ރުފިޔާ ލިބިފައިވާ ކަމަށް ވެސް ސިޓީ ކައުންސިލުން ވަނީ ބުނެފައެވެ.

މުއިއްޒު ވިދާޅުވީ މިހާރު އޮތް ކައުންސިލްގެ ދައުރު ފެށުނު އިރު މާލޭ މިސްކިތްތަކުގައި މަރާމާތަށާއި އާބާތުރަ ފިލުވުމަށް 14 މިލިއަން ރުފިޔާގެ މަސައްކަތް ކުރަން ހުރި ކަމަށެވެ

https://etukuri.mv/
https://eportal.mwsc.com.mv/e-pay