ގިނަ ޓޫރިސްޓުން ތަކަކާއި އެކު ފެރީއެއް ފަރަށް އަރައިފި

މާލެއިން ފުރައިގެން 76 ފަތުރުވެރިންނާއެކު ކ. މާފުއްޓަށް ދަތުރުކުރި ފެރީއެއް ކ. އެނބޫދޫ ފަރަށް އަރައިފި އެވެ.

ފުލުހުން ބުނީ އެ ފެރީ ފަރަށް އެރީ އިންޖީނު ހުއްޓިގެން ކަމަށާއި މިއަދު ހެނދުނު ހިނގި މި ހާދިސާގައި އުޅަނދުން ދަތުރުކުރި އެންމެން ރައްކާތެރިކަމާއެކު ސަލާމަތް ކުރެވިފައިވާ ކަމަށެވެ.

ފެރީ ފަރަށް އެރީ ދަތުރުމަތީގައި އިންޖީނު ހުއްޓުމުގެ ސަބަބުން އުޅަނދު ކޮންޓްރޯލުން ނެއްޓިގެންނެވެ.

މި ހާދިސާ ހިނގިއިރު އުޅަނދުގައި ޖުމްލަ 72 މީހުން ތިއްބެވެ. އޭގެ ތެރޭގައި ހިމެނެނީ 67 ފަތުރުވެރިންނާއި، 3 ދިވެހިންގެ އިތުރުން ބިދޭސީ 2 ފަޅުވެރިންނެވެ. ހާދިސާ ހިނގުމާއެކު މެރެއިން ޕޮލިސް އާއި ކަމާބެހޭ ފަރާތްތަކުން ކުރި މަސައްކަތުން، އުޅަނދުގައި ތިބި ހުރިހާ ފަސިންޖަރުންނާއި ފަޅުވެރިން ވަނީ ރައްކާތެރިކަމާއެކު އެހެން އުޅަނދަކަށް ބަދަލުކޮށްފައިކަމަށް ފުލުހުން ބުންޏެވެ.

މި ހާދިސާގައި އެއްވެސް މީހަކަށް އަނިޔާއެއް ލިބިފައި ނުވާއިރު، އުޅަނދުން ދަތުރުކުރި އެންމެންގެ ހާލުވެސް ރަނގަޅު ކަމަށް ފުލުހުން ބުންޏެވެ.

މި އުޅަނދުން ދަތުރުކޮށްފައިވަނީ 67 ފަތުރުވެރިންނާ، 3 ދިވެހިން އަދި 2 ބިދޭސީންނެވެ.

އުޅަނދު ފުންކުރުމުގެ މަސައްކަތް އުޅަނދުގެ ވެރިފަރާތުން އަންނަނީ ކުރަމުންނެވެ.