ވިލިމާލެ ހޮސްޕިޓަލުގައި ދަތުގެ ފަރުވާގެ ޚިދުމަތް ފަށައިފި

ވިލިމާލެ ހޮސްޕިޓަލުގައި ދަތުގެ ފަރުވާގެ ޚިދުމަތް ފަށައިފިއެވެ.

މިކަމަށްޓަކައި ވިލިމާލޭ ހޮސްޕޓަލުގައި ހޮނިހިރު ދުވަހުގެ ރޭ ބޭއްވި ހަފްލާ ޝަރަފުވެރިކޮށްދެއްވީ މިނިސްޓަރ އޮފް ހެލްތު އަބުދުﷲ ނާޒިމް އިބްރާހީމް އެވެ.

މި ރަސްމިއްޔާތުގައި މިނިސްޓްރީގެ އިސްވެރިންނާއި، މާލޭ ގްރޫޕް އޮފް ހޮސްޕިޓަލްގެ އިސްވެރިން އަދި ވިލިމާލެ ހޮސްޕިޓަލްގެ އިސްވެރިން ބައިވެރިވަޑައިގެންނެވި އެވެ.

ވިލިމާލޭގައި މިހާރު ހުރި ހޮސްޕިޓަލް އިތުރަށް ތަރައްްޤީކުރުމަށް މިހާރު ވަނީ 100 އެނދުގެ ހޮސްޕިޓަލެއް އެޅުމަށް ނިންމާފައެވެ.

ވިލިމާލޭގައި 100 އެނދުގެ އައު ހޮސްޕިޓަލް އެޅުމުގެ ޢަމަލީ މަސައްކަތް ފެށުމަށް ނިންމާފައިވަނީ މި ފެށޭ އަހަރުއެވެ. އަދި 3 އަހަރު ދުވަހުގެ ތެރޭގައި އެ ހޮސްޕިޓަލުގެ އަމަލީ މަސައްކަތް ނިންމާ ޚިދުމަތް ލިބޭނެ އިންތިޒާމް ހަމަޖެއްސުމަށް ސަރުކާރުން ވަނީ ނިންމާފައެވެ.

ވިލިމާލެ ހޮސްޕިޓަލްއަކީ 24 ގަޑިއިރަށް ޚިދުމަތްދޭ ހޮސްޕިޓަލެއް ނަމަވެސް އެތަނުން ލިބެމުން އަންނަނީ މަދު ޚިދުމަތްތަކެކެވެ. މިވަގުތު އެ ހޮސްޕިޓަލްގައި ޚިދުމަތްދެނީ 5 އެނދުގެ އިމަޖެންސީ ރޫމަކާއި، ބަލިމީހުން ބެލުމަށް ޚާއްޞަ 3 ކޮޓަރިއާއެކުއެވެ.