ރާއްޖޭގައި އާބަން ސެންޓަރުތައް ގާއިމްކުރާ ހަތް ރަށް ހައުސިން މިނިސްޓްރީއިން އިއުލާންކޮށްފިއެވެ.
ހައުސިން މިނިސްޓްރީ އިން މިއަދު ނެރުނު ބަޔާނުގައި ވަނީ އާބަން ސެންޓަރުތަކުގެ ގޮތުގައި ތަރައްގީކުރަން ރައީސް ޑރ މުހައްމަދު މުޢިއްޒު ކަނޑައަޅުއްވާފައިވާ ރަށްތަކުގެ ނަންތައް އިއުލާނުކޮށްފައެވެ.
އާބަން ސެންޓަރުތައް ގާއިމްކުރާ ރަށްތައް:
ރ. އުނގޫފާރު
ބ. އޭދަފުށި
ޅ. ނައިފަރު
އދ. މަހިބަދޫ
ފ. ނިލަންދޫ
ދ. ކުޑަހުވަދޫ
ލ. ފޮނަދޫ
އާބަން ސެންޓަރުތައް ގާއިމުކުރެއްވުމަކީ ރައީސް ޑރ މުހައްމަދު މުއިއްޒުގެ ރިޔާސީ ވައުދުފުޅެކެވެ. މި މަސައްކަތުގެ ތެރެއިން ސަރުކާރުން ވަނީ އާބަން ޑިވެލޮޕްމެންޓް ބިލެއް މަޖިލީހަށް ހުށަހަޅާފައެވެ. އެ ބިލު ދިރާސާ ކުރުމަށް މިހާރު ވަނީ ތަރައްގީ އާއި ތަރިކައިގެ ކޮމިޓީއާއި ލާމަރުކަޒީ ކޮމިޓީގެ ޖޮއިންޓް ކޮމިޓީއަށް ފޮނުވާފައެވެ.
އާބަން ސެންޓަރުތަކަކީ މާލެއަށް ބަރޯސާނުވެ އަތޮޅުތަކުންވެސް ޒަމާނީ ޚިދުމަތްތައް ލިބޭނެ ގޮތަށް ކުރިއަށްގެންދިއުމުގެ ސިޔާސަތުގެ ދަށުން ރައީސް ޑރ މުހައްމަދު މުއިއްޒު ނިންމަވާފައިވާ މަޝްރޫޢެކެވެ.
