30 ފޫޓުގެ ބޮޑުމަހެއް ހޯރަފުއްޓަށް ލައްގައިފި

ހއ. ހޯރަފުށީގެ ހުޅަނގު ފަރާތު ފަރުމައްޗަށް، ގާތްގަނޑަކަށް 30 ފޫޓު ހުރި މަރުވެފައިވާ ބޮޑުމަހެއް މިއަދު ލައްގައިފިއެވެ.

ހޯރަފުށީ ކައުންސިލުން މަޢުލޫމާތު ދެއްވާގޮތުގައި، މި ބޮޑުމަސް ފަރުމަތިން ނަގައި، ރަށުގެ ގޮނޑުދޮށުގައި މިހާރު ވަނީ ވަޅުލާފައެވެ.

މި މަސައްކަތް ކުރިއަށް ގެންގޮސްފައިވަނީ އެ ރަށު ކައުންސިލާއި، ފުލުހުންނާއި، އެމް.އެން.ޑީ.އެފްގެ އިތުރުން އެ ރަށުގައި މަސައްކަތްކުރާ އެމް.ޓީ.ސީ.ސީ ސައިޓުގެ މުވައްޒަފުންގެ ފުރިހަމަ އެހީތެރިކަމާއެކުގައެވެ.

ކައުންސިލުން އާންމުކޮށްފައިވާ ފޮޓޯތަކުން ފެންނަ ގޮތުގައި، މި ބޮޑުމަސް އެއްގަމަށް އެރުވުމަށްޓަކައި ދެ ޑިންގީއެއްގައި ކަފުޖަހައިގެން ގެނައުމަށްފަހު، އެކްސްކަވޭޓަރެއް ބޭނުންކޮށްގެން ވަނީ ގޮނޑުދޮށުގައި ކޮނުނު ބޮޑު ވަޅުގަނޑަކަށް ލައި ވަޅުލާފައެވެ.

މޫދުން މި މަސް ނެގި ވަގުތު ގިނަ އަދަދަކަށް ލޭ ފައިބަމުންދިޔަ މަންޒަރު ފޮޓޯތަކުން ފާހަގަކުރެވެއެވެ.