މިއަހަރުގެ ފުރަތަމަ ކުއާޓަރުގައި އެސްޓީއޯގެ އާމްދަނީއާއި ފައިދާއަށް ބޮޑު ކުރިއެރުމެއް ލިބިއްޖެ

މިއަހަރުގެ ފުރަތަމަ ކުއާޓަރުގައި އެސްޓީއޯގެ އާމްދަނީއާއި ފައިދާއަށް ބޮޑު ކުރިއެރުމެއް ލިބިއްޖެއެވެ.

ދުނިޔޭގެ ބާޒާރުގައި ތެލުގެ އަގު އުފުލުމާއި ބަންކަރިން ހިމެނޭހެން ތެޔޮ ވިއްކި މިންވަރު %27 އިތުރުވުމާ ގުޅިގެން، ޖުމްލަ އާމްދަނީގެ ގޮތުގައި 5.5 ބިލިއަން ރުފިޔާ ވަނީ ލިބިފައެވެ. މިއީ ކުރީ ކުއާޓަރާ އަޅާބަލާއިރު %33ގެ ކުރިއެރުމެކެވެ. މީގެއިތުރުން، ކުންފުނީގެ ޖުމްލަ ފައިދާގެ ގޮތުގައި 785 މިލިއަން ރުފިޔާ ލިބިފައިވާއިރު، ހިންގުމުގެ ހަރަދުތައް އިތުރުވި ނަމަވެސް، ހިންގުމުގެ ފައިދާ ވަނީ %14 އިތުރުވެ 368 މިލިއަން ރުފިޔާއަށް އަރާފައެވެ.

މިއީ މީގެ ކުރީ ކުއާޓަރާއި އަޅާ ބަލައި އިރު %20ގެ އިތުރުވުމެކެވެ.

ޓެކްސް އަށް ކެނޑުމަށްފަހު، މި ކުއާޓަރުގެ ސާފު ފައިދާގެ ގޮތުގައި އެ ކުންފުންޏަށް ލިބިފައި ވަނީ 276 މިލިއަން ރުފިޔާއެވެ.