9 ރަށެއްގައި މުޅިން އަލަށް އަންހެނުންގެ ހާއްސަ ޑޮކްޓަރުން ފަރުވާދޭން ފަށައިފި

9 ރަށެއްގައި މުޅިން އަލަށް އަންހެނުންގެ ހާއްސަ ޑޮކްޓަރުން ފަރުވާދޭން ފަށައިފިއެވެ.

މީގެ ކުރިން ސްޕެޝަލިސްޓު ޚިދުމަތް ލިބެން ނެތް ރަށްރަށުގައި އެ ޚިދުމަތް އަންނަނީ ދެމުންނެވެ.

އެގޮތުން މިހާތަނަށް މުޅިން އަލަށް 9 ރަށެއްގައި އަންހެނުންގެ ބަލިތަކަށް ޚާއްޞާ ޑޮކްޓަރުންގެ ޚިދުމަތް ފަށާފައިވާކަމަށް ޞިއްޙީ ވުޒާރާއިން ވަނީ ބުނެފައެެވެ.

ސަރުކާރުގެ ސިއްހީ ނިޒާމު ތަރައްޤީކުރުމުގެ ތަސައްވުރަކީ އަތޮޅުތެރޭގެ ކޮންމެ ސަރަހައްދަކުންވެސް ސިއްޙި ރަނގަޅު ޚިދުމަތް ލިބުމެވެ.

އެގޮތުން މާލެއަށް ބަރޯސާ ނުވެ އެ ސަރަހައްދުތަކުން ސްޕެޝަލިސްޓު ޑޮކްޓަރުންގެ ޚިދުމަތާއި، ސިއްޙީ އެހެނިހެން ޚިދުމަތްތައް ޤާއިމްކުރުމަށް ކުރަމުންދާ މަސައްކަތުގެ ދަށުން މިހާރު އަންނަނީ އާބާދީ ބޮޑެތި ރަށްރަށުގެ ސިއްޙީމަރުކަޒުތަކުގެ ބަދަލު އައު ހޮސްޕިޓަލްތައް ތަރައްގީ ކުރަމުންނެވެ.

ސަރުކާރުން ސިއްހީ ހިދުމަތް ތަރައްގީ ކުރުމަށް ދަނީ ގިނަ މަސައްކަތްތަކެއް ކުރަމުންނެވެ.