2021 ވަނަ އަހަރު ވިލިމާލެއާ ހުޅުމާލޭގައި ފުޓުބޯޅަ ދަނޑުތަކެއް އަޅައިދިން ކޮރެއާ ކުންފުންޏަކަށް 3.3 މިލިއަން ޑޮލަރު ދައްކަން ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް)އަށް ސިވިލް ކޯޓުން ހުކުމް ކޮށްފިއެވެ.
ދެކުނު ކޮރެއާގެ ޓީކުއިން ކޮންސްޓްރަކްޝަން ކޯ ލިމިޓެޑަށް 3.3 މިލިއަން ޑޮލަރު، (52.1 މިލިއަން ރުފިޔާ) ދައްކަން އެފްއޭއެމްގެ މައްޗަށް ސިވިލް ކޯޓުން ހުކުމް ކޮށްފައިވާއިރު އެފްއޭއެމާ އެ ކުންފުންޏާ ދެމެދު ވެފައިވާ އެއްބަސްވުމުގައިވާ ގޮތުން، ވިލިމާލެ އާއި ހުޅުމާލޭގައި ފުޓްބޯޅަ ދަނޑު ތަރައްގީކޮށް، މަސައްކަތުގެ އަގުގެ ގޮތުގައި ދެ އިންވޮއިސް އަށް ވާ 1.2 މިލިއަން ޑޮލަރާއި 1.9 މިލިއަން ޑޮލަރު ދައްކަން ޖެހެއެވެ. އެގޮތުން ހުޅުމާލެ ރީކޮންސްޓްރަކްޝަންގެ މަސައްކަތަށްވާ 122،000 ޑޮލަރާއި އެ ކުންފުނީގެ ރިކުއާމެންޓަށް ބަދަލު ގެނެސް ކޮށްފައިވާ މަސައްކަތުގެ އަގު ކަމަށްވާ 122،000 ޑޮލަރާ އެކު ޖުމްލަ 3.3 މިލިއަން ޑޮލަރު އެފްއޭއެމުން ދައްކަން ޖެހެއެވެ.
އެ މައްސަލައިގެ ދައުވާގައި ޓީ ކުއިން ކުންފުނިން ބުނެފައިވަނީ އެއްބަސްވުމުގައި ބަޔާންކޮށްފައިވާ ގޮތަށް އެފްއޭއެމުން ފައިސާ ދައްކާފައިނުވާ ކަމަށެވެ. އަދި ފައިސާ ދެއްކުމުގައި ލުއިތަކެއް ދިނުމަށް އެ އެސޯސިއޭޝަނުން އެދުމުން، ދެވުނު ލުއިތަކާ އެއްގޮތަށް ވެސް ފައިސާ ދައްކާފައިނުވާ ކަމަށާ އެހެން ކަމުން އެ ކުންފުންޏަށް ލިބެން ޖެހޭ ފައިސާއާއި، ފައިސާ ނުލިބުމުން ލިބުނު ގެއްލުމުގެ ބަދަލުގެ އިތުރުން، މި މައްސަލަ ޝަރީއަތަށް ހުށަހެޅުމުން އެކަމަށް ހިންގި ޚަރަދު ވެސް އެއްފަހަރާ ހޯދުމަށް އެދޭ ކަމަށެވެ.
ޖުމްލަ 5.9 މިލިއަން ޑޮލަރު އެފްއޭއެމްގެ އަތުން އެއްފަހަރާ ނަގައިދިނުމަށް އަމުރުކޮށްދިނުމަށް އެ ކުންފުނިން އެދިފައިވެއެވެ. އެއީ ގެއްލުމުގެ ބަދަލުގެ ގޮތުގައި ދެ މިލިއަން ޑޮލަރާއި، ޝަރީޢަތުގެ ޚަރަދުގެ ގޮތުގައި 500،000 ޑޮލަރުގެ އިތުރުން މަސައްކަތުގެ އަގަށްވާ 3.3 މިލިއަން ޑޮލަރެވެ. ނަމަވެސް ގެއްލުމުގެ ބަދަލުގެ ގޮތުގައި ފައިސާ ދެއްކުމަށް 2021 ވަނަ އަހަރު ވީ އެއްބަސްވުމުގައި ބަޔާން ކޮށްފައި ނުވާތީ، އެސޯސިއޭޝަންގެ ޣައިރު ހާޒިރުގައި ސިވިލް ކޯޓުން ހުކުމް ކުރީ، މަސައްކަތްތަކުގެ އަގަށް ވާ 3.3 މިލިއަން ޑޮލަރު، މި އޮކްޓޯބަރު އެކަކުން ފެށިގެން އެއް މަސް ދުވަހުގެ ތެރޭގައި އެފްއޭއެމުން ދައްކައި ހަލާސް ކުރާށެވެ.
ވޭސްޓް މެނޭޖްމަންޓް ކޯޕަރޭޝަން (ވެލްކޯ)އިން ކުނި އުކުމުގެ ޚިދުމަތް ހޯދުމަށްފަހު، ފައިސާ ނުދައްކާތީ އެ ކުންފުންޏަށް ދައްކަންޖޭ ފައިސާ ދައްކަން ފުޓްބޯޅަ އެސޯސިއޭޝަން އޮފް މޯލްޑިވްސް (އެފްއޭއެމް)ގެ މައްޗަށް ސިވިލް ކޯޓުން އަމުރުކޮށްފިއެވެ.
ސިވިލް ކޯޓުން މިއަމުރުކުރީ ވިލިމާލެ ފުޓްބޯޅަ ދަނޑުން ކުނި ނަގައިދިނުމުން އެ ހިދުމަތަށްވާ ފައިސާ ދައްކާފައި ނުވާ މައްސަލާގައި ވެމްކޯއިން އެފްއޭއެމާ ދެކޮޅަށް ކުރި ދައުވާއާ ގުޅިގެން ޝަރީއަތް ހިންގައި ކުރި ހުކުމްގައެވެ. އެއީ ޖުމުލަ 39،000 ރުފިޔާ. މިމައްސަލާގައި ޖަވާބުދާރީވުމުގެ ފުރުސަތު ދިނުމުން އެފްއޭއެމްއިން ކޯޓުގައި ޖަވާބުދާރީ ވެފައެއް ނުވެއެވެ.
ސިވިލް ކޯޓުން މި އަމުރު ކޮށްފައިވާއިރު މިދިޔަ ޖުލައި މަހު،، ވޭސްޓް މެނޭޖްމަންޓް ކޯޕަރޭޝަން (ވެލްކޯ)އިން ކުނި އުކުމުގެ ޚިދުމަތް ހޯދުމަށްފަހު، ފައިސާ ނުދައްކާތީ އެ ކުންފުންޏަށް ދައްކަންޖޭ ފައިސާ ދައްކަން ވެސް އެފްއޭއެމްގެ މައްޗަށް އެ ކޯޓުން އަމުރުކޮށްފައިވެއެވެ. ކޯޓުން އެ އަމުރު ކޮށްފައިވަނީ ވިލިމާލެ ފުޓްބޯޅަ ދަނޑުން ކުނި ނަގައިދިނުމުން އެ ހިދުމަތަށްވާ ފައިސާ ދައްކާފައި ނުވާ މައްސަލާގައި ވެމްކޯއިން އެފްއޭއެމާ ދެކޮޅަށް ކުރި ދައުވާއާ ގުޅިގެން ޝަރީއަތް ހިންގައި ކުރި ހުކުމްގައެވެ. އެއީ ޖުމުލަ 39،000 ރުފިޔާ. މިމައްސަލާގައި ޖަވާބުދާރީވުމުގެ ފުރުސަތު ދިނުމުން އެފްއޭއެމްއިން ކޯޓުގައި ޖަވާބުދާރީ ވެފައެއް ނުވެއެވެ. އަދި ކޯޓަށް ހާޒިރުވެފައި ނުވާތީ އެފްއޭއެމްގެ ޣައިރު ހާޒިރުގައި ސިވިލް ކޯޓުން ބުރާސްފަތި ދުވަހު ހުކުމްކުރީ ރަސްމީ ތިން ދުވަހުގެ ތެރޭގައި، ފައިސާ ދައްކައި ޚަލާސްކުރުމަށެވެ.
