އިންޓަރލޯކަލް ކައުންސިލް ޕްރޮޖެކްޓް ޑިވެލޮޕްމަންޓް އޮފީހުގެ ހިންގުން އަމީރަށް

ލޯކަލް ކައުންސިލްތަކަށް ފަންނީ އެހީތެރިކަން ފޯރުކޮށްދިނުމަށްޓަކައި އެމްޑީޕީން އުފައްދާފައިވާ "އިންޓަރ-ލޯކަލް ކައުންސިލް ޕްރޮޖެކްޓް ޑިވެލޮޕްމަންޓް އޮފީސް" (އައިއެލްސީ-ޕީޑީއޯ) ހިންގުމުގެ ޒިންމާ، ކުރީގެ ފިނޭންސް މިނިސްޓަރު އިބްރާހިމް އަމީރުއާ ހަވާލުކޮށްފިއެވެ.

އެމްޑީޕީގެ ގައުމީ ސެކްރެޓޭރިއަޓުގައި ގާއިމުކޮށްފައިވާ މި އޮފީހުގެ ޑިރެކްޓަރ ޖެނެރަލްގެ މަގާމަށް އަމީރު އައްޔަންކުރައްވާފައި މިވަނީ، ލޯކަލް ކައުންސިލްތަކުގެ މަސައްކަތްތައް އިތުރަށް ހަރުދަނާކޮށް، ފަންނީ ގޮތުން ކުރިއެރުވުމުގެ މަގުސަދުގައެވެ.

ފާއިތުވި ކައުންސިލް އިންތިހާބުގައި ބޮޑު ކާމިޔާބީއެއް ހޯދާފައިވާ އެމްޑީޕީން އަމާޒު ހިފާފައިވަނީ، 2028 ވަނަ އަހަރުގެ ރިޔާސީ އިންތިހާބަށް ތައްޔާރުވުމުގެ ގޮތުން ކައުންސިލްތަކުން ރައްޔިތުންނަށް ވެފައިވާ ވައުދުތައް ފުއްދުން ހަލުވިކުރުމަށެވެ. މިގޮތުން، ކައުންސިލްތަކަށް ބޭނުންވާ ފަންނީ ލަފަޔާއި އެހީތެރިކަން ފޯރުކޮށްދޭނެ ހާއްސަ އޮފީހެއް ގާއިމުކުރުމަކީ ޕާޓީގެ ޗެއާޕާސަންގެ އިންތިހާބުގެ ތެރޭގައި ވެވަޑައިގެންފައިވާ މުހިންމު ވައުދެކެވެ.