އެމްޑަބްލިއުއެސްސީގެ ޗެއާމަން ޝަމްހޫޒާ ވަކިކޮށްފި

Share

މޯލްޑިވްސް ވޯޓާ އެންޑް ސްވަރޭޖް ކޮމްޕެނީ (އެމްޑަބްލިއުއެސްސީ)ގެ ޗެއާމަންކަމުގެ މަގާމުންނާއި އެ ކުންފުނީގެ ބޯޑު މެންބަރުކަމުން ޝަމްހޫޒާ އަހުމަދު ވަކިކޮށްފިއެވެ.

ޝަމްހޫޒާ މަގާމުން ވަކިކޮށްފައިވާކަން އިއުލާނުކޮށްފައިވަނީ ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ)އިން އެކްސްގައި ހިއްސާކުރި ޕޯސްޓެއްގައެވެ. ނަމަވެސް އެ މަގާމުން ޝަމްހޫޒާ ވަކިކުރި ސަބަބެއް ނުބުނެއެވެ. ޕީސީބީން ބުނީ ފެން ކުންފުނީގެ ޗެއާމަންކަމުގެ މަގާމުންނާއި ޑިރެކްޓަރުންގެ ބޯޑުން މިއަދުން ފެށިގެން ޝަމްހޫޒާ ވަކިކޮށްފައިވާ ކަމަށެވެ.

ޝަމްހޫޒާ މަގާމަށް އައްޔަންކުރުމުގެ ކުރިން އޭނާ ހުންނެވީ މާލޭ ސިޓީކައުންސިލްގެ ކައުންސިލް އެގްޒެކެޓިވްގެ މަގާމުގައެވެ. ހައުސިން މިނިސްޓްރީގެ ޑިރެކްޓަރެއްގެ މަގާމު ވެސް އޭގެ ކުރިން އޭނާ އަދާކުރެއްވިއެވެ.

އެ މަގާމަށް ޝަމްހޫޒާ އައްޔަނުކޮށްފައިވަނީ 2023 ވަނަ އަހަރުގެ ޑިސެމްބަރު މަހުގެ 26 ވަނަ ދުވަހުއެވެ.