ގައުމަށް ބަދަލުތަކެއް ގެންނަން ޖެހޭ ކަމަށް އެޑިއުކޭޝަން މިނިސްޓަރ ޑޮކްޓަރ އިސްމާޢީލް ޝަފީޢު ވިދާޅުވެއްޖެއެވެ.
މިހެން މިނިސްޓަރ ވިދާޅުވީ ރޭގައި ބޭއްވުނު ސަރުކާރާއެކު ހަފްތާ 52 ގައި ވާހަކަފުޅު ދައްކަވަމުންނެވެ.
" ޒުވާނުންނަށް މިގައުމުގައި ވިޔަފާރި ކުރުމުގެ ފުރުސަތު، ޒުވާނުންނަށް މި ގައުމުގައި ދުޅަހެޔޮ ކަމާއެކު އުޅުމުގެ ފުރުސަތު، ޒުވާނުންނަށް މި ގައުމަކީ ރައީސްގެ އެ ވިޝަންގަ އެ ފާހަގަކުރައްވާ ގޮތަށް ކުރިއަރާފައިވާ ގައުމެއްގެ ގޮތުގައި ބައްޓަންކުރުމަށް އެ ފުރުސަތު އަދި ޒުވާނުންނަކީ ސަރަހައްދީ ލެވެލްގައިވެސް ވިޔަފާރިއާ ހުނަރާ ތައުލީމާ މި ހުރިހާ ކަމަކަށް އަޅުގަނޑުމެން ވާހަކަދައްކަވާ ކަމުގައި ވަނީނަމަ މި މުސްކުޅި ގޮތް ގަނޑުގައި މި ގައުމެއް ހިންގޭކަށް އަޅުގަނޑުމެންނަކަށް ނެތް. ބަދަލުތައް އަންނަން އެބަ ޖެހޭ. " މިނިސްޓަރ
މި ބަދަލުތައް ގެނައުމުގައި އެންމެންގެ ބައިވެރިވުން މުހިންމުކަން މިނިސްޓަރ ފާހަގަކުރެއްވިއެވެ. އަދި އެންމެން ޝާމިލްވާފަދަ ވެއްޓެއްގައި ޕޮލިސީތަކަށް ބަދަލުތަކެއް ގެންނަން ޖެހޭ ކަމަށް ވެސް މިނިސްޓަރ ވިދާޅުވިއެވެ.
މިނިސްޓަރ ވިދާޅުވީ ހުރިހާ މަސައްކަތްތަކެއްގެ ވެސް ބޭސިސް އަކީ އުންމީދެއް ދިނުން ކަމުގައެވެ. ކުރިއަރަން ބޭނުންވާ ޒުވާނުންނަށް އެ ފުރުސަތު ހޯދާދިނުމަކީ މަސައްކަތުގެ މައިގަނޑު ބޭނުން ކަމުގައެވެ.
