މަޖިލީހުގެ އާ ދައުރުގެ ޖަލްސާތައް ފެށުން އަންނަ ހަފްތާއަށް ފަސްކޮށްފި

ރައްޔިތުންގެ މަޖިލީހުގެ މިއަހަރުގެ ތިންވަނަ ދައުރުގެ ފުރަތަމަ ޖަލްސާ އަންނަ ހަފްތާގެ ހޯމަ ދުވަހަށް ފަސްކޮށްފިއެވެ.

ރްައްޔިތުންގެ މަޖިލީހުގެ އިދާރާއިން މެމްބަރުންނަށް ފޮނުވި މެސެއްގައި ބުނެފައިވަނީ އަންނަ ހަފްތާއަށް ޖަލްސާ ފަސްކުރުމަށް ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲ ނިންމެވީ މަޖިލީހުގެ ޖަލްސާތައް ބްރޯޑްކާސްޓު ކުރުމަށް އާ ވީޑިއޯ ރޫމެއް ގާއިމުކުރުމުހެ މަސައްކަތްތައް ކުރިއަށް ދާތީ ކަމަށެވެ.

މިއަހަރުގެ ދެވަނަ ދައުރު ނިންމާލުމަށްފަހު މަޖިލީސް ޗުއްޓީއަށް ދިޔައީ މިދިޔަ އޮގަސްޓު މަހު އެވެ. އެ ދައުރު ނިންމާލީ ގާތްގަނޑަކަށް 83 އިންސައްތަ މަސައްކަތް ނިންމާލުމަށް ފަހުއެވެ.

އޭގެ ފަހުން ދައުރުން ބޭރުން ތިން ޖަލްސާއެއް ބޭއްވި އެވެ. އެއީ، ޕްރޮސެކިއުޓާ ޖެނެރަލްގެ މަގާމަށް އައްބާސް ޝަރީފް އައްޔަނުކުރުމުގެ މަަސައްކަތް ކުރުމަށާއި ކުންފުނިތަކުގެ ގާނޫނު އިސްލާހު ކުރުމަށެވެ.