ފަސް މެމްބަރެއްގެ ނަން އިއްވައި މަޖިލީހުގެ ތަޅުމުން ނެރެފި

މަޖިލިސް ތެރޭގައި ތިބީ ހުސް ވަގުން ކަމަށް ވިދާޅުވެ، އިދާރީ މޭޒުގެ ކުރިމައްޗަށް ވަޑައިގެން ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހުގެ އިސްތިއުފާއަށް ގޮވައި އަޑުގަދަކުރައްވަން ފެއްޓެވުމުން އިދިކޮޅު ބައެއް މެންބަރުންގެ ނަން އިއްވައި މަޖިލީހުން ނިކުންނަން އަންގައިފިއެވެ.

މިގޮތުން ނަން އިއްވައި މަޖްލިހުގެ ތަޅުމުން ނެރެފައިވަނީ މެމްބަރު ޝިޔާމާއި ސައީދާއި ތޯރިގާއި ފަޒުލް އަދި ހުސެއިން މުހައްމަދު ލަތީފެވެ.

މިހާރު ވަނީ މަޖިލިސް ޖަލްސާ މެދުކަނޑާލާފައެވެ. މަޖިލިސް ރައީސް ނަޝީދު ވިދާޅުވީ މަޖިލިސް ދެން ކުރިއަށް ގެންދާނީ ނަން އިއްވި މެންބަރުން ޖަލްސާ ކުރާ މާލަމުން ނިކުންނެވުމުން ކަމަށެވެ.