އޭޝިއާ މީޑިއާ ސަމިޓުގައި ބައިވެރިވެވަޑައިގަތުމަށް ސްރީލަންކާގެ ހެލްތު އަދި މީޑިއާ މިނިސްޓަރ ރާއްޖެ ވަޑައިގެންފި

އޭޝިއާ މީޑިއާ ސަމިޓުގައި ބައިވެރިވެވަޑައިގަތުމަށް ސްރީލަންކާގެ ހެލްތު އަދި މީޑިއާ މިނިސްޓަރ ޑރ. ނަލިންދާ ޖަޔަތީސާ ރާއްޖެ ވަޑައިގެންފިއެވެ. ސްރީލަންކާގެ ހެލްތު އެންޑް މީޑިއާ މިނިސްޓަރ ޑރ. ނަލިންދާ ޖަޔަތީސާ ރާއްޖެވަޑައިގަތުމުން، ވެލާނާ އިންޓަރނޭޝަނަލް އެއަރޕޯޓުން އެމަނިކުފާނަށް މަރުޙަބާ ދެންނެވީ ޕީއެސްއެމްގެ ޑެޕިއުޓީ މެނޭޖިންގ ޢަބްދުﷲ ޔާމީނެވެ.

މިއަހަރުގެ ސަމިޓް ރާއްޖޭގައި އިންތިޒާމް ކުރަނީ ޕަބްލިކް ސަރވިސް މީޑިއާ، ޕީއެސްއެމްއިންނެވެ.

މިއަހަރުގެ ސަމިޓުގެ ޕްރީ ސަމިޓް ވޯކްޝޮޕްތައް އިއްޔެ ފަށާފައިވާއިރު، ސަމިޓް ރަސްމީކޮށް ފަށާނީ މިއަދެވެ. މި ސަމިޓު ކުރިއަށްދާނީ މިމަހުގެ 11 އިން 14 ވިލާ ނޯޓިކާ ރިސޯޓުގައެވެ.

މި ސަމިޓްގެ ޕްލިނަރީ ސެޝަންތައް މިމަހުގެ 13ވަނަ ދުވަހާއި ހަމައަށް ކުރިއަށްދާއިރު، ސަމިޓް ނިންމާލާނީ، މިމަހުގެ 14ވަނަ ދުވަހު ކުޑަގިރީގައި ކުރިއަށްގެންދާ މުރަކަ އިންދުމުގެ ޚާއްޞަ ހަރަކާތުންނެވެ.