މ އަތޮޅު ތައުލީމީ މަރުކަޒުގައި 3 ފަންގިފިލާގެ އިމާރާތެއް ބިނާކުރަން އެމްޓީސީސީއާ ހަވާލްކޮށްފި

މ. އަތޮޅު ތައުލީމީ މަރުކަޒުގައި 3 ފަންގިފިލާގެ އިމާރާތެއް އަޅަން އެމްޓީސީީސީ އާއި ހަވާލްކޮށްފިއެވެ.

އެޑިއުކޭޝަން މިނިސްޓްރީގައި މިއަދު ބޭއްވި ރަސްމިއްޔާތެއްގައި މިނިސްޓްރީގެ ފަރާތުން އެއްބަސްވުމުގައި ސޮއިކުރެއްވީ މިނިސްޓަރ އޮފް ސްޓޭޓް ފޮރ އެޑިއުކޭޝަން ޑރ އަބްދުއްލަތީފް މުހައްމަދު އެވެ. އެމްޓީސީސީގެ ފަރާތުން އެއްބަސްވުމުގައި ސޮއިކުރެއްވީ ޑެޕިއުޓީ މެނޭޖިންގ ޑިރެކްޓަރ މުހައްމަދު ޖަމްޝީދުއެވެ.

މި މަޝްރޫއުގެ ދަށުން 3 ފަންގިފިލާގެ އިމާރާތެއް ބިނާކޮށް އެތަނުގައި 10 ކްލާސްރޫމާއި 1 ލައިބްރަރީ 1 އޭވީ ރޫމް އަދި 1 ހެލްތު ރޫމް އަޅަން ވަނީ ހަމަޖެހިފައެވެ.

360 ދުވަސް ތެރޭ ނިންމަން ހަވާލްކުރި މި މަޝްރޫއަކީ 18.80 މިލިއަން ރުފިޔާގެ މަޝްރޫއެކެވެ.