މަޝްހޫރު ލަވަކިޔުންތެރިޔާ އާޝާ ބޯސްލޭ ނިޔާވެއްޖެ!

މަޝްހޫރު ލަވަކިޔުންތެރިޔާ އާޝާ ބޯސްލޭ މިއަދު ނިޔާވެއްޖެ އެވެ. ނިޔާވީއިރު އުމުރަކީ 92 އަހަރެވެ.

މުމްބާއީގެ ބްރީޗް ކޭންޑީ ޕްރައިވެޓް ހޮސްޕިޓަލުގައި އާޝާ އެޑްމިޓްކޮށްފައިވަނީ 11 އޭޕްރީލް، ހޮނިހިރު ދުވަހުގެ ހަވީރުގެ ވަގުތެއްގައެވެ.

އާޝާ ބޯސްލޭ އަކީ އިންޑިއާގެ ލަވަކިޔުމުގެ ދާއިރާގައި ފާހަގަކޮށްލެވޭ، 70 އަހަރަށްވުރެ ދިގު މާޒީއެއް އޮތް މަޝްހޫރު ލަވަކިޔުންތެރިއެކެވެ.

1960 އާއި 1970 ގެ އަހަރުތަކުގައި "ޕިޔާ ތޫ އަބް ތޯ އާޖާ" އަދި "ޔޭ މޭރާ ދިލް" ފަދަ ލަވަތަކުން ހިންދީ ސިނަމާގެ މިއުޒިކަށް އައު ދިރުމަކާއި ޖޯޝެއް އޭނާ ގެނެސްދިނެވެ.

1990 އާއި 2000 ގެ ކުރީކޮޅު، އާޝާ ބޯސްލޭ ވަނީ ޒަމާނާ އެއްގޮތަށް އޭނާގެ ކެރިއަރު އަނެއްކާވެސް އާކޮށްލާފައެވެ.