މުދަލު ޒަކާތުގެ ގޮތުގައި މިދިޔަ ޖުލައި މަހު 15.5 މިލިއަން ރުފިޔާ ދައުލަތަށް ލިބިއްޖެއެވެ.
މޯލްޑިވްސް އިންލަންޑް ރެވެނިއު އޮތޯރިޓީ (މީރާ)ގެ ތަފާސްހިސާބުތަކުން ދައްކާގޮތުގައި މިދިޔަ އަހަރުގެ ޖުލައި މަހު މީރާއަށް ޒަކާތުގެ ގޮތުގައި ލިބުނީ 7.3 މިލިއަން ރުފިޔާއެވެ. މީރާގެ ތަފާސްހިސާބުތަކަށް ބަލާއިރު މިދިޔަ ޖުލައިމަހުގެ ނިޔަލަށް މުދަލު ޒަކާތުގެ ގޮތުގައި ދައުލަތަށް ލިބުނު މިންވަރު ވަނީ މިދިޔަ އަހަރާ އަޅާ ބަލާއިރު ދެ ގުނަ އިތުރުވެފައެވެ.
ތަފާސްހިސާބުތަކުން ދައްކާގޮތުގައި މި އަހަރުގެ މިހާތަނަށް ޒަކާތުގެ ގޮތުގައި 66.3 މިލިއަން ރުފިޔާ ލިބިފައިވެއެވެ.
މެއި މަހުގެ 22 ވަނަ ދުވަހުން ފެށިގެން މުދަލު ޒަކާތް ވާޖިބުވާ ނިޞާބަކީ ނުވަ ހާސް ތިން ސަތޭކަ ފަންސާސް ތިން ރުފިޔާ ސާޅީސް ލާރިއެވެ. މެއިމަހުން ފެށިގެން މިއަދާ ހަމައަށް ނިޞާބުގެ އަދަދު ހުރީ އެއްވަރެއްގައި ހިފެހެއްޓިފައެވެ. މިދިޔަ ޖެނުއަރީ މަހު މުދަލު ޒަކާތުގެ ނިސާބުހުރީ 7،140 ރުފިޔާގައެވެ. އޭގެ ކުރިން މުދަލު ޒަކާތުގެ ނިޞާބު ހުރީ 7،151 ރުފިޔާ 90 ލާރީގައިަކަމަށްވާއިރު ރާއްޖޭގައި ނިސާބު ބަލަނީ ރިހިންނެވެ.
ފަހަކަށްއައިސް މުދަލު ޒަކާތް ނުދައްކާތީ އެކަމުގެ ކަންބޮޑުވުން އިސްލާމީ ކަންތައްތަކާބެހޭ ވުޒާރާއިން އަންނަނީ ފާޅުކުރަމުންނެވެ. އަދި މުދަލު ޒަކާތަށް އާއްމުން ހޭލުންތެރިކުމުގެ ޕްރޮގްރާމްތައްވެސް އަންނަނީ ހިންގަމުންނެވެ.
މުދަލު ޒަކާތް ވާޖިބުވާނީ އެމީހެއްގެ އަތުގައި ނިޞާބު ހަމަވެފައި ހުންނަތާ އަހަރެއް ފުރިހަމަވުމުންނެވެ.
2016 ވަނަ އަހަރުން ފެށިގެން މުދަލު ޒަކާތް ބަލައިގަތުން ވަނީ މީރާ އަށް ބަދަލުކޮށްފަ.
