ރައީސް އިބްރާހިމް ސާލިހް
އިނގިރޭސި ބަހުން ކުރި ސުވާލަށް ރައީސަކަށް ޖަވާބެއް ނުދެވުނު
އަލީ ޝާމިލް ހަސަން - 28 ޑިސެމްބަރު 2022 - 13:35
ރައީސުލްޖުމްހޫރިއްޔާ އިބްރާހީމް މުހައްމަދު ޞާލިޙު މިއަދު ބޭއްވެވި ނޫސްވެރިންގެ ބައްދަލުވުމުގައި ނޫސްވެރިއަކު އިނގެރޭސީން ކުރި ސުވާލަށް ރައީސަށް ޖަވާބެއް ނޭރުވުނެވެ. މޯލްޑިވްސް ޖަރނަލްގެ ނޫސްވެރިޔާ އަކްރަމް އިނގެރޭސި ބަހުން ސުވާލު ކުރެއްވީ އިންޓަރނޭޝަނަލް މަނިޓަރީ ފަންޑް (އައިއެމްއެފް)އިން މި ފެށޭ ދެ 2023ވަނަ އަހަރަކީ މުޅި ދުނިޔޭގެ އިޤްތިޞާދަށް ގޮންޖެހުން ބޮޑު އަހަރެއް ކަމަށްވާ ލަފާކޮށްފައިވާ އިރު، ރާއްޖޭގެ އިޤްތިޞާދު ކޮވިޑް-19ގައި ދިޔަ ފަދަ ދަތި ޙާލަތަކަށް ދިޔަނުދިނުމަށްޓަކައި ސަރުކާރުން އަޅާނެ ފިޔަވަޅުތަކާ ގުޅޭ ގޮތުންނެވެ. ނޫސްވެރިޔާ އެދުނީ ރައީސް ވެސް އިނގެރޭސި ބަހުން އެ ސުވާލަސް ޖަވާބު ދެއްވުމަށެވެ.
އެހެން ނަމަވެސް މި ސުވާލަށް ރައީސް ޖަވާބުދެއްވަން ފެއްޓެވީ ދިވެހި ބަހުންނެވެ. އެއާ އެކު ނޫސްވެރިޔާ ވަނީ އަނެއްކާ ވެސް އިނގެރޭސި ބަހުން ޖަވާބު ދެއްވުމަށް ރައީސްގެ ކިބައިން އެދިފައެވެ. އެއާ އެކު ރައީސް ވިދާޅުވީ އެ ކުރި ސުވާލުގެ ޖަވާބުގެ ތަފްސީލް ނޫސްވެރިންގެ ބައްދަލުވުމަށް ފަހު އަރުވާނެ ކަމަށެވެ.
ގުޅުން ހުރި ޙަބަރުތައް
