މޯލްޑިވްސް އިންލަންޑް ރެވެނިއު އޮތޯރިޓީގެ ޑެޕިއުޓީ ކޮމިޝަނާ ޖެނެރަލް އޮފް ޓެކްސޭޝަންގެ މަގާމަށް ކުރިމަތިލުމުގެ ފުރުސަތު ސަރުކާރުން ހުޅުވާލައިފި އެވެ.
އެ މަގާމަށް ކުރިމަތިލުމުގެ ފުރުސަތު ހުޅުވާލާފައިވަނީ މިއަދުން ފެށިގެން މި މަހުގެ 16 ވަނަ ދުވަހުގެ 12:00 އާ ހަމައަށެވެ.
އެ މުއްދަތުގައި ރަސްމީ ބަންދު ދުވަސްތައް ފިޔަވައި، އެހެން ދުވަސްތަކުގެ ހެނދުނު 08:30 އިން މެންދުރު 12:00 އަށް ރައީސް އޮފީހުން ފޯމު ބަލައިގަންނާނެ ކަމަށް ބުންޏެވެ.
މި މަގާމަށް ކުރިމަތިލުމަށް އެދޭ ފޯމު ރައީސް އޮފީހުގެ ރިސެޕްޝަނުންނާއި އެ އޮފީހުން ޑައުންލޯޑް ކުރެވޭނެ ކަމަށެވެ.
މީރާގެ ޑެޕިއުޓީ ކޮމިޝަނާގެ މަގާމު ހުސްވީ، ކުރިން އެ މަގާމުގައި ހުންނެވި ހުސެއިން ޒައިދާން ޖަލީލް މަގާމުން ވަކިކުރުމުން ނެވެ. ޒައިދާންގެ އިތުރުން ޓެކްސް ޓްރައިބިއުނަލްގެ ތިން މެމްބަރުން އެ ބޯޑުން ވަކިކޮށްފައިވެ އެވެ.
