ސިވިލް ސާވިސް ކޮމިޝަން (ސީއެސްސީ)ގެ ރައީސް މުހައްމަދު ނާސިހު އާއި އިލެކްޝަންސް ކޮމިޝަން (އީސީ) އަދި އެންޓި-ކޮރަޕްޝަން ކޮމިޝަން (އޭސީސީ)ގެ ނައިބު ރައީސުން ހިމެނޭގޮތަށް އިތުރު މެމްބަރުންތަކެއް މަގާމުން ވަކިކުރުމުގެ މަސައްކަތް ރައްޔިތުންގެ މަޖިލީހުން މިއަދު ފަށައިފި އެވެ.
މިއަދުގެ ރައްޔިތުންގެ މަޖިލީހުގެ ޖަލްސާ ފެއްޓެވުމަށްފަހު ރިޔާސަތުން ވަނީ ވަކިކުރުމަށް ހުށަހަޅާ މެމްބަރުންގެ ނަންތައް ތަޅުމުގައި އިއުލާނުކޮށްފަ އެވެ. އެ ބޭފުޅުން ވަކިކުރުމުގެ މައްސަލަ ފޮނުވީ މިނިވަން މުއައްސަސާތަކުގެ ކޮމިޓީން ނެވެ.
ވަކިކުރަން ހުށަހެޅީ:
- ސީއެސްސީގެ ރައީސް ނާސިހު
- އޭސީސީގެ ނައިބު ރައީސް އަބްދުއްސަލާމް އާއި އެ ކޮމިޝަންގެ މެމްބަރު ތޯހާ މުހައްމަދު
- އީސީގެ ނައިބު ރައީސް އަލީ ނަޝާތާއި އެ ކޮމިޝަންގެ މެމްބަރުން ކަމަށްވާ މުހައްމަދު އާސިފާއި ޑރ. މުހައްމަދު ޒާހިރު
އެ ހުރިހާ ބޭފުޅުން ވެސް އައްޔަނުކުރެވުނީ ކުރީގެ ރައީސް އިބްރާހީމް މުހައްމަދު ސޯލިހުގެ ސަރުކާރުގަ އެވެ.
އެ ބޭފުޅުންގެ ނަންތައް އިއުލާނުކުރުމަށްފަހު ރިޔާސަތުން ވަނީ އެ މައްސަލަ ދިރާސާކުރުމަށް އަނބުރާ ކޮމިޓީއަށް ފޮނުވާފަ އެވެ.
އިިތުރު ތަފްސީޅް އަންނަނީ...
