އިސްރާއީލު ޕާސްޕޯޓު މައްސަލަ ސިޔާސީ ނުކުރަން މެމްބަރު ޝުޖާއު، އެމްޑީޕީއަށް ގޮވާލައްވައިފި

އިދިކޮޅު އެމްޑީޕީގެ މެމްބަރުން އިސްރާއިލުގެ ޕާސްޕޯޓްގެ މައްސަލަ ސިޔާސީ ކެމެއް ގޮތުގައި ނުހެދުމަށް، މަޖިލީހުގެ ބާރަށު ދާއިރާގެ މެންބަރު އިބްރާހީމް ޝުޖާއު ގޮވާލައްވައިފިއެވެ.

ރައްޔިތުންގެ މަޖިލީހުގެ މިއަދުގެ ޖަލްސާގައި މެންބަރު ޝިޖާއު ވިދާޅުވީ، އެމްޑީޕީގެ ދެ ދައުރުގައި ވެރިކަން ކުރައްވައިފައިވާ ބޭފުޅުންނާއި އެމްޑީޕީގެ ރައީސް، ރައީސްކަން ކުރެއްވުމަށް ލިބުނު ފުރުސަތުގައިވެސް ފަލަސްތީނުގެ ހައްގުގައި ނުކޮށްދެވުނު މަސައްކަތް ޕީއެންސީ ސަރުކާރުގެ 1 އަހަރު ދުވަހުގެ ތެރޭގައި ކޮށްފައިވާ ކަމަށެވެ.

ޝުޖާއު ވިދާޅުވީ، އިސްރާއީލުގެ ޕާސްޕޯޓްގެ މައްސަލަ އަވަސް ކުރުމަށް ޕީއެންސީގެ ސުޕަރ މެޖޯރިޓީ އޮތް ޕާލިމެންޓުން، ކަމާ ގުޅޭ ހުރިހާ ވުޒާރާއަކާއި، ސްޓޭކް ހޯލްޑަރުންނާ އެކު މައުލޫމާތު ސާފު ކުރުމުގެ މަސައްކަތް ފަށާފައިވާ ކަމަށެވެ.

"މި މައްސަލަ އަވަސްކުރުމުގެ ގޮތުން ޕީއެންސީގެ ސުޕަރ މެޖޯރިޓީ އޮތް ޕާލިމެންޓުން އެކަމާއި ގުޅޭ ހުރިހާ ވުޒާރާއަކާއި ސްޓޭކް ހޯލްޑަރުންނާ އެކު މައުލޫމާތު ސާފު ކުރުމުގެ މައްސަކަތް މިހާރުވާނީ ފަށާއިފަ." ބާރަށު ދާއިރާގެ މެންބަރު އިބްރާހީމް ޝުޖާއު

ރާއްޖެއަކީ ފަތުރުވެރިކަމަށް ބަރޯސާވެފައިވާ ޤައުމެއް ކަމަށާއި ރާއްޖެ އޮތީ ދުނިޔޭގެ ހުރިހާ ގައުމަކާއި ގުޅިފައި ކަމަށާއި އެހެން ނަމަވެސް އިޒްރޭލުން ފަލަސްތީނުގެ ލޮބުވެތި ރައްޔިތުންނަށް އަނިޔާ ދިނުމުގައި ސިޔާސީ ގޮތުން ކަންކަން ތަންފީޒުކުރާ ފަރާތްތަކަށް ރާއްޖޭގެ ރީތިކަމުގެ އުފާ ލިބުމަކީ ގަބޫލުކުރާ ކަމެއް ނޫން ކަމަށް ޝުޖާއު ވިދާޅުވިއެވެ.

ޝުޖާއު ވިދާޅުވީ ލިބުނު ކޮންމެ ޕޯޑިއަމްގައި ފަލަސްޓީނުގެ ހަގުގައި ރައީސް ޑރ މުއިއްޒު ސާބިތުކަމާއެކު މަސައްކަތް ކުރައްވާކަމަށެވެ.