އައްޑޫ ސިޓީން ޒުވާން އަންހެނަކު ގެއްލިގެން ހޯދަނީ

އައްޑޫ ސިޓީ ފޭދޫއިން ޒުވާން އަންހެނަކު ގެއްލިގެން ފުލުހުންނަށް ރިޕޯޓުކުރުމާއި ގުޅިގެން އޭނާ ހޯދުމުގެ މަސައްކަތް ދިވެހި ފުލުހުންގެ ހިދުމަތުން ފަށައިފިއެވެ.

ފުލުހުން ބުނީ ގެއްލިގެން ހޯދަމުންދަނީ ސ.ފޭދޫ ހަމްދަރުދީ ޢުމުރުން 19 އަހަރުގެ ހައްވާ ރާއިދާ މުނީރުކަމަށެވެ. އޭނާ ހޯދަމުންދަނީ ބުރާސްފަތި ދުވަހުގެ މެންދުރު އޭނާ ދިޔަތަނެއް ނޭނގިގެން ބުރާސްފަތި ދުވަހުގެ 14:52ގައި ފުލުހުންނަށް ރިޕޯޓުކުރުމާއި ގުޅިގެންކަމަށް ފުލުހުން ބުންޏެވެ. އަދި އޭނާ ހޯދުމަށް ކަމާބެހޭ ހުރިހާ ބަހާތަކަށް އެމައުލޫމާތު ހިއްސާކޮށް އޭނާ ހޯދަމުންދާކަމަށާއި މިހާތަނަށް އޭނާއާބެހޭ އެއްވެސް މައުލޫމާތެއް ދެނެގަނެވިފައިނުވާކަމަށް ފުލުހުން ބުންޏެވެ.

ފުލުހުންވަނީ ގެއްލިގެން ހޯދަމުންދާ ހައްވާ ރާއިދާ މުނީރާއި ބެހޭ އެއްވެސް މައުލޫމާތެއް އެނގޭނަމަ އައްޑޫ ސިޓީ ގަން ޕޮލިސް ސްޓޭޝަންގެ ނަމްބަރު 97920058 އަށް ގުޅާ އެމަޢުލޫމާތު ހިއްސާކުރުމަށް އެދިފައެވެ.