ކުއްލި އެމެޖެންސީ ހާލަތަކަށް 2 މިނެޓަށްވުރެ ކުރިން އެޓެންޑް ވާނެ- އެމްއޭސީއެލް

ކުއްލި އެމެރަޖެންސީ ހާލަތެއްގައި އެންމެ ލަސްވެގެން ދެ މިނެޓަށް ވުރެ ކުރިން އެ ހާދިސާއެއްގެ ހިނގި ސަރަހައްދަކަށް އެޓެންޑް ވެވޭނެ ކަމަށް އެމްއޭސީއެލްގެ އެމެޖެންސީ ސާރވިސަސް ޑިޕާރޓްމަންޓުން ބުނެފި އެވެ

އެމްއޭސީއެލް އިން މިއަދު ވަނީ އެކުންފުނީގެ މަސައްކަތްތައް ދައްކާލުމަށް ރާއްޖޭގެ މީޑިޔާތަކަށް ފުރުސަތުދީފަ އެވެ.

ނޫސްވެރިންނަށް މިއަދު ދެއްވި ދައުވަތުގައި އެމްއޭސީއެލް އިން ވަނީ އެންމެ މުހިންމު އެއް ކަމެއްގެ ގޮތުގައި އެއާޕޯރޓް އެމަޖެންސީ ސާވިސްގެ މަސައްކަތްތައް ހިނގާ ގޮތް ނޫސްވެރިންނަށް ދައްކާލާފަ އެވެ.

ނޫސްވެރިންނަށް މައުލޫމާތު ދެއްވަމުން އެއާޕޯރޓް އެމަނރޖެންސީ އެންޑް ބިޒްނަސް ކޮންޓިނެލްޓީގެ ޖެނެރަލް މެނޭޖަރ އާޒިނާ ވިދާޅުވީ އެމަނރޖެންސީ ސާވިސްގެ މި މަސައްކަތްތަކުގެ ތެރެއިން އެންމެ މުހިންމު އެއް ކަމެއްގެ ގޮތުގައި އޮންނަނީ އެއާރޕޯރޓް ފަޔާރ އެންޑް ސޭފްޓީ ކަމަށެވެ.

އޭޝިއާގެ އެހެން ގައުމުތަކުގެ އެއާޕޯރޓް ތަކުގައި ފަޔާރ ސޭފްޓީ އެންޑް ސެކިއުރިޓީ އާ އަޅށާ ބަލާއިރު ރާޢްޖޭގައި ބޭނުން ކުރަނީ އެންމެ ކޮލެޓީ އަދި އެންމެ ޒަމާނީ ވަސީލަތްތައް ކަމަށެވެ. ދިމާވެދާނެ ކުއްލި ހާލަތަކަށް އަބަދުމެ ތައްޔާރީ ހާލަތުގައި ޝިފްޓް ޑިއުޓީގައި އެލާޓުގައި ތިބޭކަން ފާހަގަކުރައްވަމުން އާޒިނާ ވިދާޅުވީ ކުއްލި އެމަރޖެންސީ ހާލަތެއް މެދުވެރިވެއްޖެ ނަމަ ނުވަތަ އެފަދަ އެލާމެއް އަޅާ ވަގުތުން ފެށިގެން ދެމިނެޓެއްގެ ތެރޭގައި އެ ސަރަހައްދަކަށް ޓީމުން އެޓެންޑް ވާނެ ކަމަށެވެ.