logo

ފަލަސްޠީނުގެ މިނިވަން އަދި އިސްތިޤްލާލީ ދައުލަތަކަށް ރާއްޖެއިން އަބަދުވެސް ވަކާލާތުކުރާނެ: ރައީސް

profile

އައިޝަތު އިނާޝާ - 15 ނޮވެމްބަރު 2024 - 15:07

އދގެ އާންމު މަޖިލީހުގެ ޖަލްސާގައި ބައިވެރިވެވަޑައި ގަތުމަށް ރައީސުލްޖުމްހޫރިއްޔާ ސެޕްޓެމްބަރުމަހު ނިއުޔޯކަށް ކުރެއްވި ކުރެއްވި ދަތުރުފުޅުގައި ފަލަސްތީނުގެ ރައީސް މަހްމޫދު އައްބާސްއާ ބައްދަލު ކުރައްވަނީ:

އދގެ އާންމު މަޖިލީހުގެ ޖަލްސާގައި ބައިވެރިވެވަޑައި ގަތުމަށް ރައީސުލްޖުމްހޫރިއްޔާ ސެޕްޓެމްބަރުމަހު ނިއުޔޯކަށް ކުރެއްވި ކުރެއްވި ދަތުރުފުޅުގައި ފަލަސްތީނުގެ ރައީސް މަހްމޫދު އައްބާސްއާ ބައްދަލު ކުރައްވަނީ:

1967 ވަނަ އަހަރުގެ ކުރިން އޮތް ބޯޑަރުތަކުގެ މައްޗަށް ބިނާކޮށް، އިރުމަތީ ޤުދުސްއަކީ ވެރިރަށް ކަމުގައި ކަނޑައެޅިފައިވާ ފަލަސްޠީނުގެ މިނިވަން އަދި އިސްތިޤްލާލީ ދައުލަތަކަށް ދިވެހިރާއްޖެއިން އަބަދުވެސް ވަކާލާތުކުރައްވާނެ ކަމަށް ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ވިދާޅުވެއްޖެއެވެ.

އެމަނިކުފާނު މިފަދައިން ވިދާޅުވީ ފަލަސްޠީނުގެ މިނިވަންކަން އިޢުލާނު ކުރިތާ 36 އަހަރު ފުރުމުގެ މުނާސަބަތުގައި، އެޤައުމުގެ ރައީސް، ޑޮކްޓަރ މަޙްމޫދު ޢައްބާސްއަށާއި ބޮޑުވަޒީރު އަދި ޚާރިޖީ ވަޒީރު މުޙައްމަދު މުސްޠަފާއަށް ފޮނުއްވި މެސެޖެއްގައެވެ.

ފަލަސްޠީނުގެ ރައީސާއި ބޮޑުވަޒީރަށް ރައީސުލްޖުމްހޫރިއްޔާ ވަކިވަކިން ފޮނުއްވި މެސެޖުގައި، ފަލަސްޠީނުގެ މިނިވަންކަން އިޢުލާން ކުރިތާ 36 އަހަރު ފުރުމުގެ މުނާސަބަތުގައި، ހެޔޮ އެދުންތައް ފޮނުއްވާފައިވެއެވެ. އަދި ފަލަސްޠީނުގެ ރައްޔިތުން، އަނިޔާވެރިކަމާއި ބޭއިންސާފާ ދެކޮޅަށް ކުރަމުން ގެންދާ މަސައްކަތުގައި، އެ ރައްޔިތުންގެ ސާބިތުކަމާއި ހިތްވަރުގަދަކަމަށް ނުހަނު ތަޢުރީފު ކުރައްވާފައި ވެއެވެ.

ރައީސުލްޖުމްހޫރިއްޔާގެ މެސެޖުގައި، ދިވެހިރާއްޖޭގެ އެއްބާރުލުން އަބަދުވެސް ފަލަސްޠީނަށް ލިބެމުންދާނެކަމުގެ ޔަޤީންކަން ދެއްވާފައިވެއެވެ. އަދި 1967 ވަނަ އަހަރުގެ ކުރިން އޮތް ބޯޑަރުތަކުގެ މައްޗަށް ބިނާކޮށް، އިރުމަތީ ޤުދުސްއަކީ ވެރިރަށް ކަމުގައި ކަނޑައެޅިފައިވާ ފަލަސްޠީނުގެ މިނިވަން އަދި އިސްތިޤްލާލީ ދައުލަތަކަށް ދިވެހިރާއްޖެއިން އަބަދުވެސް ވަކާލާތުކުރައްވާނެކަމުގެ ޔަޤީންކަންވެސް އެމަނިކުފާނުގެ މެސެޖުގައި ދެއްވާފައިވެއެވެ.

ރައީސުލްޖުމްހޫރިއްޔާގެ މެސެޖު ނިންމަވާލައްވަމުން، ފަލަސްޠީނުގެ ރައީސް ޑޮކްޓަރ މަޙްމޫދު ޢައްބާސްއަށާއި ބޮޑުވަޒީރު އަދި ޚާރިޖީ ވަޒީރު މުޙައްމަދު މުސްޠަފާއަށާއި، އަޚުވަންތަ ފަލަސްޠީނުގެ ރައްޔިތުންނަށް ދެމެހެއްޓެނިވި ޞުލްޙައާއި ކުރިއެރުމަށް އެދިވަޑައިގެންފައިވެއެވެ.

ފާއިތުވީ އަހަރެއްހާ ދުވަހުގެ ތެރޭގައި އިސްތިއުމާރީ އިސްރާއީލުގެ ޓެރަރިސްޓުންވަނީ، ފަލަސްތީނުގެ އާންމުންގެ ގެދޮރާއި، ހޮސްޕިޓަލްތަކާއި، ސްކޫލްތަކާއި، ސިއްހީ ޚިދުމަތްދޭ ކްލިނިކްތަކާއި، މިސްކިތްތަކާއި، އެޕާޓްމަންޓް އިމާރާތްތަކަށް ބޮންއަޅައި އެއްކޮށް ބިމާހަމަކޮށްލާފައެވެ.

ޣައްޒާގެ އުތުރުގެ ސިޓީތައް ކަމަށްވާ ބައިތު ލާހިޔާއާއި، ޖަބަލިއާގައި ބޮޑެތި ލާއިންސާނީ ޖަރީމާތައް ހިންގަމުން ގެންދާއިރު، ޣައްޒާގެ އުތުރުގެ ހުރިހާ ރެފިއުޖީ ކޭމްޕްތަކަށް ބޮންއަޅައި އަދި ބޮޑުބަޑީގެ ހަމަލާތައްދީ އެތައްބަޔަކު ޝަހީދު ކޮށްލާފައި ވެއެވެ.

އިސްރާއީލުން ޣައްޒާގެ އުތުރުފަޅި ބަންދުކުރިއިރު ހަތަރު ލައްކައެއްހާ އާންމުން ތިބި ނަމަވެސް، މިހާރު ތިބީ 95،000 އެއްހާ އާންމުންނެވެ. އަތުޖެހުނު ހުރިހާ ފިރިހެނުން ހައްޔަރުކޮށްގެން ގެންގޮސްފައިވާއިރު، އަންހެނުންނާއި ކުޑަކުދިން ގަދަކަމުން ތަންތަނުން ނެރެ މަގުމަތިކޮށްފައިވެއެވެ. އަދި ރައްކާތެރިކަން ހޯދަން އެހެން ދިމަދިމާއަށްދާ މީހުންގެ ގަޔަށް ޓެރަރިސްޓު ސްނައިޕަރުން ބަޑިޖަހައި މީހުން އާންމުން މަރަމުންވެސް ގެންދެއެވެ.

https://int.etukuri.mv/
tel:+9607331319