ހުޅުމާލެ ހިޔާ ފްލެޓްތަކުގައި ހުރި ކެމެރާތައް ފުލުހުންނަށް ބެލޭ ގޮތް ހަދައިފި

ހުޅުމާލެ ހިޔާ ފްލެޓްތަކުގައި ހުރި ކެމެރާތައް ފުލުހުންނަށް ބެލޭ ގޮތް ހަދައިފި

ހުޅުމާލޭ ހިޔާ ފްލެޓްތަކުގައި ހުރި ކެމެރާތައް ފުލުހުންނަށް ބެލޭނެ އިންތިޒާމު ހަމަޖައްސައިފިއެވެ.

ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ) ން ބުނީ، ހުޅުމާލެ ދެވަނަ ފިޔަވަހީގައި ގާއިމުކޮށްފައިވާ 16 ހިޔާ ފްލެޓުތަކުގެ އެތެރެއާއި ބޭރުގައި ހަރުކޮށްފައިވާ ކެމެރާތަކުން ދިވެހި ފުލުހުންގެ ޚިދުމަތާ ހިއްސާކުރުމަށް ފީޑް ކަނެކްޝަން ނެގުމުގައި ކުރަންޖެހޭ ކަންކަން ދެ ފަރާތުން ގުޅިގެން ކުރުމަށްޓަކައި މިއަދު އެއްބަސްވެފައިވާ ކަމަށް.

މި ފަހުމުނާމާގައި ހައުސިންގ ޑިވެލޮޕްމަންޓް ކޯޕަރޭޝަން ލިމިޓެޑްގެ ފަރާތުން މެނޭޖިންގ ޑިރެކްޓަރ އަޙްމަދު އާތިފް ސޮއިކުރެއްވިއިރު ދިވެހި ފުލުހުންގެ ޚިދުމަތުގެ ފަރާތުން ސޮއިކުރެއްވީ ކޮމިޝަނަރ އޮފް ޕޮލިސް މުޙައްމަދު ޙަމީދު.

ހައުސިންގ ޑިވެލޮޕްމަންޓް ކޯޕަރޭޝަން ލިމިޓެޑް (އެޗްޑީސީން) ބުނެފައިވަނީ މި އެއްބަސްވުމުގެ ދަށުން ރިއަލް ޓައިމް ފީޑް ފުލުހުންނަށް ފޯރުކޮށްދިނުމަށް ކުރަން ޖެހޭ މަސައްކަތްތައް މިހާރުން ފެށިގެން ފެށިފައިވާ ކަމަށާއި މި ކަމުގެ ސަބަބުން ހިޔާ ފްލެޓްތަކުގައި ރައްކާތެރި މާހައުލެއް ޤާއިމު ކުރެވިގެންދާނެ ކަމަށް. އެކޯޕަރޭޝަނާއި ފުލުހުންނާއި ގުޅިގެން ކުރަމުން އަންނަ މަސައްކަތްތަކަށް ގިނަ ލުއިތަކެއް ލިބިގެން ދާނެ ކަމަށެވެ