ޢިމާރާތްކުރުމުގެ ޤަވާއިދުތަކަށް އަހުލުވެރިކުރުމުގެ ޕްރޮގްރާމުގައި ބައިވެރިވުމުގެ ފުރުސަތު!

ޢިމާރާތްކުރުމުގެ ޤާނޫނުގެ ދަށުން އެކުލަވާލެވިފައިވާ ގަވާއިދުތަކަށް އާންމުންނާއި އެ ދާއިރާގައި މަސައްކަތްކުރާ ފަރާތްތައް އަހުލުވެރިކުރުމުގެ ގޮތުން ކުރިއަށްގެންދާ އޮންލައިން ޕްރޮގްރާމެއްގައި ބައިވެރިވުމުގެ ފުރުސަތު ހުޅުވާލައިފިއެވެ.

މިނިސްޓްރީން އިސްނަގައިގެން ކުރިއަށްގެންދާ މި ސެޝަންތަކުގެ މައިގަނޑު މަޤްސަދަކީ ޢިމާރާތްކުރުމުގެ ޤާނޫނާއި، މި ޤާނޫނުގެ ދަށުން ހެދިފައިވާ އެކިއެކި ގަވާއިދުތަކަށް އާންމު ރައްޔިތުންނާއި އިމާރާތްކުރުމުގެ ދާއިރާގައި ހަރަކާތްތެރިވާ އެންމެހާ ފަރާތްތައް ހޭލުންތެރިކުރުވުމެވެ.

މި ޕްރޮގްރާމުގެ ތެރެއިން ޢިމާރާތްކުރުމުގެ މަސައްކަތްތަކާ ގުޅިގެން ނަގަންޖެހޭ އެކި ބާވަތުގެ ހުއްދަތައް ދިނުމުގެ މަރުހަލާތަކާއި، ކުރެހުން ފާސްކުރުމުގެ އުސޫލުތައް އަދި ގަވާއިދާ ޚިލާފުވާ ފަރާތްތަކާމެދު ފިޔަވަޅު އެޅުމުގައި އަމަލުކުރަން އޮންނަ ގޮތްތަކުގެ ތަފުސީލީ މަޢުލޫމާތު ފޯރުކޮށްދިނުމަށް ވަނީ ހަމަޖެހިފައެވެ.

މި ސެޝަންތައް ކުރިއަށް ގެންދިއުމަށް ހަމަޖެހިފައިވަނީ 11 އޮކްޓޯބަރު 2026 އިން ފެށިގެން 15 އޮކްޓޯބަރު 2026 ގެ ނިޔަލަށެވެ.

މި ޕްރޮގްރާމުގައި ބައިވެރިވެވަޑައިގެންނެވުމަށް ޝައުޤުވެރިވާ ފަރާތްތަކުން، ސެޝަން ފެށުމުގެ އެންމެ ލަސްވެގެން އެއްދުވަސް ކުރިން އޮންލައިން ފޯމު (https://forms.cloud.microsoft/r/0RFF7rrkQN?origin=lprLink) މެދުވެރިކޮށް ރަޖިސްޓްރޭޝަން ފުރިހަމަކުރެއްވުމަށް މިނިސްޓްރީން ވަނީ އެދިފައެވެ.

މި ޕްރޮގްރާމާ ގުޅޭގޮތުން އިތުރު މަޢުލޫމާތު ސާފުކުރެއްވުމަށް ބޭނުންފުޅުވާ ފަރާތްތަކުން 7256557 ނަންބަރު ފޯނަށް ގުޅުއްވުމަށް ނުވަތަ އީމެއިލް އެޑްރެހަށް މެއިލް ކުރެއްވުމަށް ވެސް މިނިސްޓްރީން ވަނީ އަންގާފައެވެ.