ގައުމީ ދިގުފެތުމުގެ މުބާރާތުގައި ބައިވެރިވުމުގެ ފުރުސަތު ހުޅުވާލައިފި

ސްވިމިން އެސޯސިއޭޝަން އޮފް މޯލްޑިވްސްގެ ފަރާތުން އިންތިޒާމުކޮށް ބާއްވާ 16 ވަނަ ގައުމީ ދިގު ފެތުމުގެ މުބާރާތުގައި ބައިވެރިވުމުގެ ފުރުސަތު އާންމުކޮށް ހުޅުވާލައިފި އެވެ.

މިމަހުގެ 17ވަނަ ދުވަހު ބޭއްވުމަށް ތާވަލުކުރެވިފައިވާ ގައުމީ ދިގުފެތުމުގެ މުބާރާތް ކުރިއަށް ގެންދިޔުމަށް ނިންމާފައިވަނީ ކުޑަގިރީގައެވެ.

މިއަހަރުގެ ގައުމީ ދިގުފެތުމުގެ މުބާރާތުގައި ކުރިޔަށްދާނީ 5 ކިލޯ މީޓަރާއި 3 ކިލޯމީޓަރު ރޭސް ކޯސް، 1 ކިލޯމީޓަރ ރޭސް އަދި 0.5 ކިލޯ މީޓަރ ރޭސް ކޯސްގެ އިވެންޓުތަކެވެ.

މި މުބާރާތުގައި ބައިވެރިވުމުގެ ފުރުސަތު, މެއި މަހުގެ 4 ވަނަ ދުވަހުގެ މެންދުރު 14:00 އާއި ހަމައަށް ހުޅުވާލެވިފައިވާއިރު، މި މުބާރާތުގައި ބައިވެރިވާން ބޭނުންވާ ފަރާތްތަކަށް ސްވިމިން އެސޯސިއޭޝަންގެ ވެބްސައިޓް މެދުވެރިކޮށް އެޕްލިކޭޝަން ފޯމު ހުށަހެޅޭނެ ކަމަށް އެ އެސޯސިއޭޝަނުން ވަނީ ބުނެފައެވެ.