އޭޕްރިލް 5 އަދި 6 ސަރުކާރު ބަންދު

މި ހިނގާ އޭޕްރިލް މަހުގެ 5 ވަނަ ދުވަހާއި 6 ވާ ހޯމަ ދުވަހަކީ ސަރުކާރު ބަންދު ދެ ދުވަސް ކަމުގައި ރައީސުލްޖުމްހޫރިއްޔާ ޑރ މުހައްމަދު މުއިއްޒު ހަމަޖައްސަވައިފިއެވެ.

ރައީސް އޮފީހުގެ ދެންނެވުމެއްގައިވާ ގޮތުން އޭޕްރިލް 5 އަދި 6 ވަނަ ދުވަސް ސަރުކާރު ބަންދު ދެދުވަހުގެ ގޮތުގައި ހަމަޖެއްސެވީ ލޯކަލް ކައުންސިލްތަކާއި އަންހެނުންގެ ތަރައްގީއަށް މަސައްކަތްކުރާ ކޮމިޓީގެ އިންތިހާބާއި ރައްޔިތުންގެ ހިޔާލު ހޯދުމުގެ އާއްމު ވޯޓުލުން މިއަދު ( 4 އޭޕްރިލް 2026 ) އޮތުމާއެކު އިންތިހާބުގެ އެކިއެކި މަސައްކަތްތަކުގައި ދައުލަތުގެ މުއައްސަސާތަކާއި، ސިވިލް ސާވިސްގެ ގިނަ އަދަދެއްގެ މުވައްޒަފުް ހަރަކާތްތެރިވާތީ، އޭޕްރިލް މަހުގެ 5 ވާ އާދިއްތަ ދުވަހަކީ ސަރުކާރު ބަންދު ދުވަހެއްގެ ގޮތުގައި ހަމަޖައްސައިދިނުމަށް އިލެކްޝަންސް ކޮމިޝަނުން އެދިވަޑައިގެންފައިވާތީ ކަމަށެވެ. އަދި އިންތިހާބަށް ފަހުގައިވެސް އިންތިހާބާއި ގުޅުންހުރި މުހިއްމު މަސައްކަތްތަކެއް ކުރުމަށް ހަމަޖެހިފައިވާތީ އޭޕްރިލް 6 ވާ ހޯމަދުވަސް ވެސް ސަރުކާރު ބަންދު ދުވަހެއްގެ ގޮތުގައި ހަމަޖައްސައިދެއްވުމަށް އިލެކްޝަންސް ކޮމިޝަނުން އެދިފައިވާތީ ކަމަށް ދެންނެވުމުގައި ވިދާޅުވެފައިވެއެވެ.

މިއަދު ކުރިއަށް ދިޔަ ލޯކަލް ކައުންސިލްގެ އިންތިހާބުގައި އިލެކްޝަންސް އޮފިޝަލުންގެ ގޮތުގައި 8،000 އަށް ވުރެ ގިނަ މުވައްޒަފުން ބައިވެރިވެއެވެ.