ވަޒީފާ އިއާދަ ކުރުމަށްފަހު ޑރ ސަލްމާ ފޮރިން މިނިސްޓްރީއަށް ބަދަލުކުރަނީ

ޖެނީވާގައި ހުންނަވާ އދގެ އޮފީސްތަކަށް ކަނޑައަޅާފައި ހުންނަވާ ރާއްޖޭގެ ދާއިމީ މަންދޫބު ޑރ. ސަލްމާ ރަޝީދުގެ މަގާމު އަލުން އިއާދަކުރުމަށްފަހު ފޮރިން މިނިސްޓްރީއަށް ބަދަލުކުރަން ނިންމައިފިއެވެ.

ސަލްމާ މިވަގުތު ހުންނެވީ ޖެނީވާގައި ހުންނަ އދ ގެ އޮފީސްތަކަށް ކަނޑައަޅާފައި ހުންނަވާ ރާއްޖޭގެ ދާއިމީ މަންދޫބެއްގެ ގޮތުގައެވެ. ނަމަވެސް އެކަމަނާ މާލެ ގެންނަވައި ފޮރިން މިނިސްޓްރީގެ މަސައްކަތްތައް ކުރެއްވުމަށް މިނިސްޓްރީގެ މަގާމެއް ދިނުމަށް ހަމަޖެހިފައިވާ ކަމަށް ބައެއް މީޑިއާތަކުގައި ވަނީ ރިޕޯޓްކޮށްފައެވެ.

ޑރ ސަލްމާ އާއި ޔޫއޭއީގައި ހުންނަވާ ދިވެހި ސަފީރު މުހައްމަދު ހުސައިން ޝަރީފު (މުންދު) ވަޒީފާއިން ވަކިކުރީ މިދިޔަ ހޯމަ ދުވަހުއެވެ.

މި ދެބޭފުޅުން ވަޒީފާއިން ވަކިކުރީ މާފަންނު މެދު ދާއިރާގެ މަޖިލިސް މެމްބަރު އަސްމާ ރަޝީދުގެ އޯޑިއޯ އެއް ލީކުވުމާއި ގުޅިގެންނެވެ. މި އޯޑިއޯގައި އަސްމާ ސަރުކާރަށް ވަރަށް ބޮޑަށް ފާޑު ވިދާޅުވާ އަޑު އިވިގެންދެއެވެ.

ޑރ ސަލްމާ އާއި އަސްމާގެ ދަރިކަލުން މުހައްމަދު ހުސައިން ޝަރީފް (މުންދު) ގެ މަގާމް އަލުން އިއާދަ ކޮށްފައިވަނީ މިއަދުއެވެ.