logo
ސިވިލް ކޯޓުގެ ނަންބޯޑު---

ސިވިލް ކޯޓުގެ ނަންބޯޑު---

ސިވިލް ކޯޓަށް 2 ގާޒީއަކު ހޯދަން ޖޭއެސްސީން އިއުލާނުކޮށްފި

profile

ޖިނާން ޙުސައިން ޖަބީން - 16 ނޮވެމްބަރު 2026 - 11:16

ސިވިލް ކޯޓުގައި ހުސްވެފައިވާ ގާޒީންގެ މަގާމުތަކަށް ދެ ބޭފުޅަކު އައްޔަންކުރުމަށްޓަކައި، އެ މަގާމުތަކަށް ކުރިމަތިލުމުގެ ފުރުސަތު ޖުޑީޝަލް ސަރވިސް ކޮމިޝަން (ޖޭއެސްސީ) އިން މިއަދު ހުޅުވާލައިފިއެވެ.

https://wamco.com.mv/

މަދަނީ މައްސަލަތައް ބެލުމުގެ އިހުތިސާސް ލިބިފައިވާ ސިވިލް ކޯޓުގެ ގާޒީކަމަށް ޝައުގުވެރިވާ ފަރާތްތަކަށް، ކުރިމަތިލުމުގެ ސުންގަޑިއަކީ އަންނަ ހަފުތާގެ ބުދަ ދުވަހުގެ މެންދުރު 12:00 ކަމަށް ޖޭއެސްސީން ކުރި އިއުލާނުގައި ބަޔާންކޮށްފައިވެއެވެ. މި މަގާމަށް އެދި ހުށަހެޅޭނީ އުމުރުން 25 އަހަރު ފުރިފައިވާ، އިސްލާމީ ޝަރީއާ، ގާނޫނު، ނުވަތަ މި ދެ ދާއިރާ އެކުލެވޭ ގޮތަށް ފުރަތަމަ ޑިގްރީ ހާސިލުކޮށްފައިވާ އަދި ފަނޑިޔާރުކަމުގައި ނުވަތަ ގާނޫނީ ވަކީލުކަމުގައި މަދުވެގެން ތިން އަހަރު ދުވަހުގެ މަސައްކަތުގެ ތަޖުރިބާ ލިބިފައިވާ ފަރާތްތައް އެކަންޏެވެ.

ސިވިލް ކޯޓުގެ ގާޒީއަކަށް މުސާރައިގެ ގޮތުގައި، 37,700 ރުފިޔާ ލިބޭއިރު، ލިވިންގ އެލަވަންސްގެ ގޮތުގައި 18,000 ރުފިޔާ ލިބެއެވެ. އަދި ރިސްކު އެލަވަންސްގެ ގޮތުގައި 3,300 ރުފިޔާއާއެކު މަހެއްގެ މައްޗަށް ޖުމުލަ 59,000 ރުފިޔާ ލިބޭނެއެވެ. މީގެއިތުރުން، ގާނޫނުގައި ކަނޑައަޅާފައިވާ ގޮތުގެ މަތިން ފޯނު އެލަވަންސާއި މެޑިކަލް އިންޝުއަރެންސް ވެސް ހަމަޖެހިގެންދާނެ ކަމަށް ޖޭއެސްސީން މައުލޫމާތު ދެއެވެ.

ޖޭއެސްސީން މި ދެ މަގާމަށް މީހުން ހޯދަން އިއުލާނުކޮށްފައި މިވަނީ، މީގެ ކުރިން ހުސްވެފައިވާ މަގާމެއްގެ އިތުރުން، އެ ކޯޓުގެ ގާޒީއަކު މި ފަހުން އިސްތިއުފާ ދެއްވުމާ ގުޅިގެންނެވެ. އެގޮތުން، ގާޒީ އަބްދުﷲ އިހުސާން އިސްތިއުފާ ދެއްވާފައިވަނީ ޖިންސީ ފުރައްސާރައިގެ މައްސަލައެއް ސާބިތުވެ، އޭނާ މަގާމުން ވަކިކުރުމަށް ޖޭއެސްސީން ނިންމާފައި ވަނިކޮށް މިދިޔަ އޮކްޓޫބަރު މަހުގެ 22 ވަނަ ދުވަހުއެވެ.

ސިވިލް ކޯޓުގައި މިވަގުތު ތިއްބަވަނީ 19 ގާޒީންނެވެ. އަލަށް އައްޔަންކުރާ ދެ ގާޒީންނާއެކު އެ ކޯޓުގެ ގާޒީންގެ އަދަދު 21 އަށް އަރާނެއެވެ.

https://wamco.com.mv/
tel:+9607331319