އެންސްޕާގެ ސީއީއޯ އަކަށް ސްޓޭޓް މިނިސްޓަރު ޝިރުނާ ހަމަޖައްސަވައިފި

ނޭޝަނަލް ސޯޝަލް ޕްރޮޓެކްޝަން އޭޖެންސީ އެންސްޕާގެ ސީއީއޯ ގެ މަގާމަށް ސްޓޭޓް މިނިސްޓަރު އާމިނަތު ޝިރުނާ އައްޔަނުކުރައްވައިފިއެވެ.

އެންސްޕާގެ ސީއީއޯގެ މަގާމު ހުސްވީ، ކުރިން އެ މަގާމުގައި ހުންނެވި ހީނާ ވަލީދު މިނިސްޓަރ އޮފް ދިވެހި ލެންގުއޭޖް، ކަލްޗަރ އެންޑް ހެރިޓޭޖްގެ މަގާމަށް އައްޔަނުކުރެއްވުމާ ގުޅިގެންނެވެ.

މި މަގާމަށް އައްޔަނުކުރެއްވި ޝިރުނާ އަކީ މީގެ ކުރިން ހެލްތު މިނިސްޓްރީގެ ދަށުން ހިންގާ މޯލްޑިވިއަން ބްލަޑް ސާވިސްގެ އިސްވެރިއެއްގެ ގޮތުގައި މަސައްކަތް ކުރެއްވި ބޭފުޅެކެވެ. ނަމަވެސް، އެ ދުވަސްވަރު ތެލެސީމިއާ ސެންޓަރު ހިންގުމުގައި ދިމާވި ބައެއް ގޮންޖެހުންތަކާ ގުޅިގެން ގެނެވުނު އިދާރީ ބަދަލުތަކާއެކު، އޭނާ ފަހުން ހަވާލުވެވަޑައިގެން ހުންނެވީ ހެލްތު ޕްރޮޓެކްޝަން އޭޖެންސީ (އެޗްޕީއޭ) އާއި ދަމަނަވެށި އަދި ބްލަޑް ބޭންކުގެ ކަންކަން ބެލެހެއްޓެވުމާއެވެ.