ހުޅުމާލެ އެކެއްގެ ރާކަނި ބީޗްގައި ދެ މީހެއްގެ ދެމެދުގައި މާރާމާރީއެއް ހިނގައިފިއެވެ.
ފުލުހުންގެ މީޑިއާ އޮފިޝަލް ވިދާޅުވީ ހުޅުމާލެ ރާކަނި ބީޗްގައި ދެ މީހެއްގެ ދެމެދުގައި މާރާމާރީއެއް ހިންގި މައްސަލައެއް ރޭގެ ވަގުތެއްގައި ފުލުހުންނަށް ރިޕޯޓްކޮށްފައިވާ ކަމަށެވެ.
މި މައްސަލައާ ގުޅިގެން ދިވެހި ފިރިހެނަކު ހައްޔަރުކޮށްފައިވާ ކަމަށް އޮފިޝަލް ވިދާޅުވެފައި ވެެެއެވެ.
މި ހާދިސާގެ މަންޒަރު ފެންނަ ވީޑިއޯއަކުން ފެންނަ ގޮތުގައި، މާރާމާރީ ހިންގާފައިވަނީ ދެ ފިރިހެނެއްގެ ދެމެދުގައެވެ. އެތަނުގައި ކާން އިން މީހަކަށް އެތަނަށް އައި މީހަކު ހަމަލާދިނުމުން، ރައްދުގައި އޭނާވެސް ހަމަލާދޭ މަންޒަރު ފެނެއެވެ. އަދި އެތަނުގައި ހުރި ގޮނޑިފަދަ ތަކެތިން ދެ މީހުންގެ ދެމެދުގައި މާރާމާރީ ހިންގަމުން ދަނިކޮށް، އެ ދެ މީހުން ހުއްޓުވީ، އެތަނުގައި ތިބި އާންމުން ކުރި މަސައްކަތުންނެވެ.
އާންމުން ވަނީ އެ ދެ މީހުން ދުރުކޮށް އެ ތަނަށް މާރާމާރީ ހިންގަން އައި މީހާ ފޮނުވާލާފައެވެ.
މި މައްސަލަ ދިވެހި ފުލުހުންގެ ޚިދުމަތުން ގެންދަނީ ތަހުގީގު ކުރަމުންނެވެ.
މީގެ ކުރިންވެސް އެތަނުގައި މާރާމަރީ ހިންގާފައި ވެއެވެ.
