އަލިފާނުގެ ހާދިސާގައި އަންހެން ފުލުހަކަށް އަނިޔާވެއްޖެ

މާލޭ ގަލޮޅުގައި ހުރި ގެއެއްގައި އަލިފާން ރޯވި ހާދިސާގައި އަންހެން ފުލުހަކަށް އަނިޔާވެގެން ހޮސްޕިޓަލުގައި ފަރުވާ ދީފި އެވެ

އަލިފާން ރޯވެފައި ވަނީ ގ.ހިޔާރޯދިގޭ ފުރަތަމަ ފަންގިފިލާގަ އެވެ.

މި ހާދިސާ ހިނގާފައިވަނީ މިއަދު ހެނދުނުގެ ވަގުތެއްގަ އެވެ. މީޑިޔާ އަށް މައުލޫމާތުދެއްވަމުން ފުލުހުން ބުނީ މި ހާދިސާގެ މައުލޫމާތު ފުލުހުންނަށް ލިބިފައިވަނީ މިއަދު ހެނދުނު 10:45 ހާއިރު ކަމަށެވެ.

މި ހާދިސާގައި އަދި މިހާތަނަށް އިތުރު މީހަކަށް އަނިޔާވީ ކަމެއް ސާފެއް ނުވެ އެވެ. އަދި އަލިފާނުގެ ހާދިސާގައި ލިބިފައިވަނީ ކިހާވަރެއްގެ ގެއްލުމެއްވެސް އަދި ސާފެއް ނުވެ އެވެ.

މި މައްސަލަ ފުލުހުން ދަނީ އިތުރަށް ތަހުގީގު ކުރަމުންނެވެ.