logo

ތައިލެންޑްގައި ފެންބޮޑުވުމާއި ގުޅިގެން އެގައުމުގެ ބޮޑުވަޒީރަށް ރައީސް ތައުޒިޔާ ވިދާޅުވެއްޖެ

profile

މުޙައްމަދު ފަޟްލޫން - 28 ސެޕްޓެމްބަރު 2026 - 07:24

ތައިލެންޑަށް ބޯކޮށް ވާރޭވެހި، ފެންބޮޑުވުމުގެ ޙާދިސާގައި ލިބުނު ބޮޑެތި ގެއްލުންތަކާ ގުޅިގެން، އެޤައުމުގެ ބޮޑުވަޒީރު ހިޒްއެކްސަލަންސީ އަނުތިން ޗާންވިރަކުލްއަށް، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ތަޢުޒިޔާގެ މެސެޖެއް ފޮނުއްވައިފިއެވެ.

https://wamco.com.mv/

އެމަނިކުފާނުގެ މެސެޖުގައި، ތައިލެންޑުގައި ފެންބޮޑުވުމުގެ ސަބަބުން ގިނަ ބަޔަކު މަރުވެ، އެތައް ބައެއްގެ ގެދޮރުގެއްލި، ބޮޑެތި ގެއްލުންތަކެއް ލިބުމާ ގުޅިގެން އެކަމުގެ ހިތާމައިގައި ބައިވެރިވެވަޑައިގަންނަވާ ކަމަށް ވިދާޅުވެފައިވެއެވެ.

ރައީސުލްޖުމްހޫރިއްޔާގެ މެސެޖުގައި، ދިވެހި ސަރުކާރާއި ރައްޔިތުންގެ ނަމުގައި، ތައިލެންޑުގެ ބޮޑުވަޒީރަށާއި ސަރުކާރަށް އަދި އެ ޤައުމުގެ ރައްޔިތުންނަށް، ހާއްސަކޮށް ކަރަންޓުގައި ޖެހުމާއި ގެނބުމުގެ ހާދިސާތަކުގައި، ފުރާނަ ގެއްލިދިޔަ ފަރާތްތަކުގެ އާއިލާތަކަށް އިހްލާސްތެރި ތައުޒިޔާ އަރިސްކުރައްވާފައިވެއެވެ.

މީގެއިތުރުން، މި ޙާދިސާގައި އަނިޔާވި ފަރާތްތަކަށް އަވަސް ޝިފާއަކަށް އެދިވަޑައިގެން، މިކާރިސާއިން އަރައިގަތުމަށްޓަކައި، މިހާރު ކުރިއަށްދާ މަސައްކަތްތައް އެއްވެސް ހުރަހެއްނެތި ކުރިއަށްގޮސް، އެހީތެރިކަން ބޭނުންވާ ފަރާތްތަކަށް އަވަސް ތަސައްލީއެއް ލިބިގެންދާނެ ކަމަށް އުންމީދުކުރައްވާ ކަމަށްވެސް، އެމަނިކުފާނު ވިދާޅުވެފައިވެއެވެ

https://wamco.com.mv/
tel:+9607331319