ހައިވޭގައި ހިނގި އެކްސިޑެންޓްގައި 4 މީހަކަށް އަނިޔާވީ 6 އުޅަދެއްޖެހިގެން

ހައިވޭގައި އެކްސިޑެންޓެއް ހިނގާ 4 މީހަކަށް އަނިޔާފެވައިވަނީ 6 އުޅަދެއް ޖެހިގެން ހިނގި ހާދިސާއެއްގައި ކަމަަށް ފުލުހުން ބުނެފިއެވެ.

ފުލުހުން ބުނީ މި އެކްސިޑެންޓް ހިނގީ ރޭ 12:45 ހާއިރުކަމަށެވެ. އެކްސިޑެންޓް ހިނގީ މާލެއިން ހުޅުމާލެއަށް ދަތުރުކުރާ ހައިވޭގައި ކާރު ލޭނުގައި މަޑުކޮށްގެން އޮތް ކާރެއްގައި، ފަހަރުން އައި ކާރެއް ޖެހިގެންނެވެ. އެވަގުތު ކާރު ކޮންޓްރޯލުން ނެއްޓި ސައިކަލު ލޭނަށް އަރާ، ދަތުރުކުރަމުންދިޔަ އިތުރު 4 ސައިކަލުގަައިވެސް ވަނީ ޖެހިފައެވެ.

މި އެކްސިޑެންޓްގައި އަނިޔާވެފައިވަނީ 4 ދިވެހިންނަށެވެ. އޭގެތެރެއިން 2 މީހަކަށް ހޮސްޕުޓަލްގައި ފަރުވާ ދިނުމަށްފަހު ދޫކޮށްލަފާކަމަށް ފުލުހުން ވިދާޅުވިއެވެ. އަނެއް ދެ މީހުންގެ ހާލުވެސް ރަނގަޅުވަމުން އަންނަކަމަށް ބުންޏެވެ.

މި މައްސަލައިގައި ހިމެނޭ އުޅަނދުތަކަށް އެކި ވަރުގެ ހެއްލުންތައް ވަނީ ވެފައިވއެވެ. ފުލުހުން ގެންދަނީ މި މައްސަލަ ތަހުޤީގުކުރަމުންނެވެ.