logo

ޣައްޒާގެ ސްކޫލަށް ބޮންއަޅައި ޝަހީދުކޮށްލި މީހުންގެ އަދަދު 31 އަށް، ބުރާސްފަތިދުވަހު ޝަހީދުކޮށްލި ޖުމްލަ އަދަދު 112 އަށް

profile

ސައިފް އަޒުހަރު - 03 އޭޕްރީލު 2025 - 20:09

ޣައްޒާގައި ވެރިކަންކުރާ ގާޒާ ސިޓީގެ ސްކޫލަށް، އިސްތިއުމާރީ ޓެރަރިސްޓުން ބޮންއެޅުމުގެ ސަބަބުން ޝަހީދުވި މީހުންގެ އަދަދު 31 އަށް އަރައިފިއެވެ.

https://wamco.com.mv/

އިސްތިއުމާރީ ޓެރަރިސްޓުން ބޮންއަޅާފައިވަނީ ގާޒާ ސިޓީގައި ހުންނަ ދާރުލް އަރްޤާން ސްކޫލަށެވެ.

އެ ސްކޫލަކީ، ހަނގުރާމައިގައި ގެދޮރު ގެއްލި މަގުމަތިވެފައިވާ އެތައްހާސް ބަޔަކު ހިމާޔަތް ހޯދައިގެން ތިބި ސްކޫލެކެވެ.

އެ ސްކޫލަށް ޓެރަރިސްޓުން ވަރުގަދައަށް ބޮންއެޅުމުގެ ސަބަބުން ޝަހީދުވި ގިނަމީހުންގެ ހަށިތައް ކުދިކުދި ވެފައިވާއިރު، ބައެއް މީހުން ފިހިގެން ވަތުން ޝަހީދުވިއެވެ. ބައެއް މީހުން އަލް އަހްލީ ހޮސްޕިޓަލަށް ގެންދިޔަފަހުންވަނީ ދުނިޔެ ދޫކޮށްފައެވެ.

އިސްރާއީލުގެ ޓެރަރިސްޓުން ދާރުލް އަރްޤާން ސްކޫލަށް ފުރަތަމަ ބޮންއަޅައި އެތައްބަޔަކު ޝަހީދުކޮށްލުމަށްފަހު، އޭގެ މިނެޓްތަކެއްފަހުން އައިސް އަނެއްކާވެސް ވަރުގަދައަށް ބޮންއަޅާފައިވާ ކަމަށް ޣައްޒާއިން ލިބޭ ޚަބަރުތައް ބުނެއެވެ.

ދާރުލް އަރްޤާން ސްކޫލަށް ބޮންއެޅުމުގެ ސަބަބުން ޝަހީދުވި 31 މީހުންގެ ތެރޭގައި 10 ކުޑަކުދިންވެސް ހިމެނެއެވެ.

ދާރުލް އަރްޤާން ސްކޫލުން ޝަހީދުކޮށްލި 31 މީހުންނާއެކު، ބުރާސްފަތި ދުވަހުގެ ހަމަލާތަކުގައި އެކަނިވެސް ޣައްޒާއިން 112 މީހުން ޝަހީދުކޮށްލާފައި ވެއެވެ.

ގާޒާ ސިޓީން އެކަނިވެސް ބުރާސްފަތި ދުވަހު 71 މީހުން ޝަހީދުކޮށްލާފައި ވެއެވެ.

ޓެރަރިސްޓުންގެ މަތިންދާ ބޯޓުތަކުން ގެންދަނީ، ޣައްޒާގައި އާންމުން ދިރިއުޅޭ އިމާރާތްތަކަށާއި، އާންމުން ދިރިއުޅޭ ތަންތަނަށާއި، ގެދޮރު ހަލާކުވެ ހާލުގައި ޖެހިފައިވާ މީހުން ތިބި ތަންތަނަށާއި، އާންމުން ހިމާޔަތް ހޯދައިގެން ތިބި ތަންތަނަށާއި، ފޭލިގެ އަވަށްތަކަށްވެސް ބޮންއަޅަމުންނެވެ.

ދާރުލް އަރްޤާން ސްކޫލަށް ދިން ޓެރަރިސްޓު ހަމަލާ، ޣައްޒާގައި ވެރިކަންކުރާ ހަމާސްއިން ވަރަށް ބޮޑަށް ކުށްވެރިކޮށް ބުނެފައިވަނީ މިއީ ޣައްޒާގެ ކުޑަކުދިންނާއި، އަންހެނުންނާ ދެކޮޅަށް އިސްތިއުމާރުން ގަސްތުގައި ހިންގި ނަސްލުނައްތާލުމުގެ ޖަރީމާއެއް ކަމަށެވެ.

އިސްތިއުމާރީ ބާރުން ހިންގާ ޖަރީމާތައް ސިޔާސީގޮތުންނާއި، އަސްކަރީގޮތުން ފޮރުވަން އެމެރިކާ ސަރުކާރުން މަސައްކަތް ކުރަމުންދާ ކަމަށާއި، އަދި ޣައްޒާ ސުންނާފަތިކޮށް، ޣައްޒާގެ އާންމުން މެރުމުގައި އެމެރިކާއަކީ ސީދާ ބައިވެރިއެއް ކަމަށް ހަމާސްއިން ބުނެފައި ވެއެވެ.

ހަމަ އެއާއެކު، އިސްރާއީލުން ހިންގާ ގަތުލުއާންމުތައް ހުއްޓުވުމުގައި ބައިނަލްއަގްވާމީ މުޖުތަމައު ފެއިލްވެފައިވުމުން ދޭހަކޮށްދެނީ، އިންސާނިއްޔަތުކަމުގެ ނިޒާމު ދުނިޔެއިން ހަލާކުވެފައިވުން ކަމަށް ބުނެފައި ވެއެވެ.

ޣައްޒާގައި ހިންގަމުންގެންދާ ޖަރީމާތައް ހުއްޓުވުމަށް ވަގުތުން ފިޔަވަޅު އަޅައިދިނުމަށް ހަމާސްއިން ނެރުނު ބަޔާނުގައި އަރަބި އަދި އިސްލާމީ ގައުމުތަކަށް ގޮވާލާފައިވެއެވެ.

https://etukuri.mv/
https://eportal.mwsc.com.mv/e-pay